tgoop.com/mllemustafa/9031
Last Update:
#قصيدة_ثكيل
#خطاب_حميدة_لوالدها_مسلم ، ع
افتح اقيودي واسولفلك قصيدة ، ،
الله يشهد تعبت ابنيتك حميدة ، ،
- بويه مسلم حايره ،
- طيره حره مهاجره
الله يشهد تعبت ابنيتك حميدة ، ،
_____________________
بويه متعوبه وعلي وحملي الثگيل
يشيل من حيلي ويحط للسوط حيل
الگلته لا مو مستحيل اصلا قليل ،
اخصمها الك طفله ويتيمه ودنيا ليل
بحكم تصنيف البرائه الاول انه ، ،
وجيلنا الزاهي السبي صاير مچانه
- محد اكسر خاطره ،
- طيره حره مهاجره
الله يشهد تعبت ابنيتك حميدة ، ،
_____________________
يا معودني عليك بكل مكان ، ،
گوم رد بنتك ألى بر الامان ، ،
كان يا ما كان بس فات الاوان
بمنجل وحش سنبلك چف الزمان
الضرب عدهم والسبي مشروع اساسي
وشاده اعمامة القاسم فوگ راسي ، ،
- حزني وادم عابره
- طيره حره مهاجره
الله يشهد تعبت ابنيتك حميدة ، ،
_____________________
دايخه وضليت أئشر ع النجوم ، ،
هذا عمي وذاك ابوي بهيچ يوووم ،
بلايه حيل ورادوا بكل حيلي اكوم
وادري بي ليل السبي مو مال نوم
هسه بس وديلي هدمك مايخالف ،
ارد اشمه وحته اكملك سوالف ،
- عود يابس صايره
- طيره حره مهاجره
الله يشهد تعبت ابنيتك حميدة ، ،
_____________________
أمنيه وغطيتهه بثوب السواد ،
صدگ تهضم بس تمناها الفؤاد ،
راسك ويه الروس اشوفك اشوه عاد
ولو يا شوف وترس عيني الرماد ، ،
ذابه الشيله اعله وجهي وبيه دمعه
وصوت زينب والنعاوي الگمت اسمعه
- الدمعه كلش شاطره
- طيره حره مهاجره
الله يشهد تعبت ابنيتك حميدة ، ،
_____________________
كوم اراويك الجرح هذا الجديد
بحادي ماخذني بدرب كلش بعيد
شوف لحم متوني ضايع بالحديد
الحبل ماخذ راحته وشد أيد بيد
بويه انت الچنت ذاخرني للماته ، ،
وجان ميفارگني بس ساعة صلاته ،
- لچم وداع مسافره
- طيره حره مهاجره
الله يشهد تعبت ابنيتك حميدة ، ،
_____________________
- علي مهدي المالكي ، ،
BY الحان الرادود مصطفى الكربلائي
Share with your friend now:
tgoop.com/mllemustafa/9031