tgoop.com/mllemustafa/8920
Last Update:
أحيـر * عـــزاءك يبتدي مـــنيـن
چبير * يعاشــگ مجلس حسين
ــــــــــــــــــــــــــــــــ
الصادق بالمجـــالس دمعته ترخــص
دموعه تزيد چانت والعمــــر ينقــص
شـادود العـزه ودمعــاته ما تخلـص
الوحيد ايگل لبو هارون عيـــد النـص
إمـام * ويدگ بيدينه الاثــــنين
چبير * يعاشــگ مجلس حسين
ــــــــــــــــــــــــــــــــ
هنيئاً للرسم بخدوده چم مأتـــم
تره العاشك محرم بي حرگ تشتم
ويحس بـاطراف گلبـه نار المـخــّيم
ويضل يلطم لحد .ما صدره ينزف دم
رهيب * محـــرم موسم العيـــــن
چبـــير * يعاشــگ مجلس حســين
ــــــــــــــــــــــــــــــــ
يسر گلب الزچيه عاشــگ المجلس
تسجله ام الحسن بالباب مــن تجلس
العاش الطف اكيد بلوعة أمه ايحــس
اليذب بالدمعه حسره ايسجله ابن نرجس
ذنــوب * تطيح بلطــــــم الايـــدين
چبـــير * يعاشــگ مجلس حســين
ــــــــــــــــــــــــــــــــ
اليحب حسين فرضه ايصيـر لطميه
محرم عنـده چن يصـــير يومــيه
النايح للســــبيه دموعه مسبــيه
الذارف دمعه عايش دمعة ارقـيه
عزيــز * الـ يورم بلطمـــــه چفيـن
چبـــير * يعاشـگ مجلس حســين
ــــــــــــــــــــــــــــــــ
الگضه امحرم سنينه مو شهر يحزن
هنيئآ للسنيـــنه ابتعـــزيه انختـــمن
الشغله ويه الحُسين ادموعه ماخسرن
هذا عيونــه باچر . هــنـه اليضحـكن
يفــوز * فقــط دمــــع المجــانين
چبـــير * يعاشــگ مجلس حســين
ــــــــــــــــــــــــــــــــ
الگضه ايامه عزاء و راحته بحـزنه
السمع صوت اليتامه بگلبه مو بذنه
الشايب من محرم مــو كُبر ســنه
هذا إمكانه جاهز . ضامن الجنه
جميـــل * الشبع ابمحـرم اونــين
چبــير * يعاشــگ مجلس حسين
ــــــــــــــــــــــــــــــــ
اللابس ثوبه الاسود ما رضى ايبدله
ألـ مــورّم إيدي من تنــقري النــزله
الرافع چفه حيل وللسمه اموصـله
هذا ام البنين اتحــبه و اتســجله
حنيـن * وأخـــــذ دور أم لبنــــين
چبـــير * يعاشــگ مجلس حســين
ــــــــــــــــــــــــــــــــ
مهدي التقي
BY الحان الرادود مصطفى الكربلائي
Share with your friend now:
tgoop.com/mllemustafa/8920