tgoop.com/mllemustafa/8886
Last Update:
أعلن الشيعي الحداد لفگدك ولابس سواد
* * *
اليوم شيعـــة حيدره بهم وحـــــزن
تنحب أعلى أبن الرضا تنوح وتون
والمحب دمعاتـــه لمصابـــــك تحن
يجرن ويه أدموعه السبعه الشداد
*
يالجواد ليا حزن أجري الدمــع
والبدايه تدري من كسر الضلع
گلبي يوميه لمحبتك ينفجـــــع
ونــار دلالي صفت بالهم رماد
*
نار دلالــــــي لمصابك تستعــــر
مثل سم جبدك يبن موسى الطهر
يا أمامي أشفت گلي من العمــر
ودسوا السم بغدر أهـــل العناد
*
سم بني العباس أثــــــر بالچبـــــد
ومثل جـده حسين مطروح الجسد
لكن حسين أعلى صدره من صعد
صعد فوگه الشمر يا باب المــراد
*********
وحدك تعانــي ولا يمـــــــك معين
مثل حالت جــدك أبطفــه الحسين
هـــم عطش دلالك من الظالمين
وهم غريب الدار وبعيده البلاد
*
كلبـــــي يا مولاي من همه انقبض
ودمعي يم بابــك تمـــاوج ونتفض
أرد أصيح أبصوت واليني المرض
مــــــــــــا ترد مهموم بيك الاعتقاد
*******************
الشاعر
#موسى البديري
BY الحان الرادود مصطفى الكربلائي
Share with your friend now:
tgoop.com/mllemustafa/8886