tgoop.com/mllemustafa/8531
Last Update:
السلام علئ سيدي ومولاي جعفر الصادق عليه افضل الصلاه والسلام
////////////
اسولفلك علئ اسراره مله العالم ضوه انواره
الك بعض الخفايه
بدليل ومن روايه
//////////////
عبد الله ابن كاهل نقل عن صادق العتره اليشع
من تطلع بدرب الفله يگطع طريق الكم سبع
لا ترجف اگباله وتفر متحصل بفرك نفع
اقراله. ايه. امن الذكر عنكم يروح ويندفع
صدق وعده وحگ ربي اسد ضاري گطع دربي
قريت ابوجه ايه
بدليل ومن رويه
/////////////
رديت اسولفله الجره فاجئني ابن ذيج الطهر
گالالي شفتك عالنهر من چانت الدنيه الضهر
انه الصرفتي ابيمنتي عن دربك وگتله اشتمر
الكل مؤمن وكل. مؤمنه حتما يقينأ ننتصر
يا تابعنه نجي بلهفه اذا. صحتونا عالكلفه
نطب درب المنايه
بدليل ومن رويه
///////////////
ثاني روايه امن الكتب عن والي ضالم مستبد
اتسلط علئ شيعه علي الما عنده ذره امن الرشد
گام وكتل اقرب شخص للصادق ويطلب مجد
گالاله ابو موسئ،بغضب راح ادعو ربي واجتهد
انتضر ليله وسجد سجده سمع ربه وهلك ضده
فلا نفعت حمايه
بدليل ومن رويه
///////////////
فد مره امامك بالفله گاعد واجه سائل سئل
شالاله قبضه امن الرمل وانطاها ابن خير العمل
رد. الفقير ومبتشر لعياله. والمدمع همل
شاف الرمال اتحولت در وذهب هذا الحصل
ابن طه الكرم طبعه تجي البابه وعلي السمعه
رغم كل البرايه
بدليل ومن روايه
///////////////
استدعئ ميه امن العجم ذاك الخليفه المقتدر
لبسهم انواع الحلي وانطاهم اموال اشكثر
حتئ يذبحون الهوئ من يدخل الباب القصر
ولمن دخل ابن النبي سجدو تحت جدم الطهر
رجف گلبه الدعه الوادم علئ قتله وطلع سالم
وكت شاف النهايه
بدليل ومن روايه
//////////////
فاضل الغريباوي 🚩🚩🚩🚩🚩
BY الحان الرادود مصطفى الكربلائي
Share with your friend now:
tgoop.com/mllemustafa/8531