tgoop.com/mllemustafa/8313
Last Update:
ضل للعيد يابو حسين خلص العيد ويانه
وراك انصلي يالكرار بصلاة العيد تلكانة
.....................................1
يتامة انعيش لو ترحل - لاترحل يبعد الروح
صابوك بجرح واحد - بجرحك صرنه كلنة اجروح
ايتامك يبو الحسنين - ويانة اتعيد ولا تروح
يمسنة الجوع من بعدك - يبونه لاتضل مطروح
كوم وانسة جرح الهام - بعد رمضان منة صيام
بلكت تهجر الالام - صوتك نسمع اذانة
........................................2......
اليتامه ياهو يجسيهه - وياهو اليرحم الفقره
دمك يجري يالضرغام - واحنة ادموعنه التجره
زينب ياولينة تصيح - يالمصيوب بالطبره
لاتمشي يحامينة - ضلع امي رجع كسره
بعدك ياهو يحمي الجار- تسيل بفكدك الانظار
ماينشف دمعنه اعليك - المسجد تنحب اركانة
............................................3
عد راسك كعد عباس - شاهد هامتك نصين
عيونه سالت ويصرخ - احضرني يخويه حسين
ابونه منجسم راسة- الجرحة من تصد بالعين
على عيونه الدمة يجري - يخضب وجهه والخدين
والينة يصب دمة- وينك يابو اليمة
الجرحة اتشاهد بعينك - ننتظرك يمولانه
......................................4.
شوف الحسن ضل يبجي - عليك وكلبة يتفطر
شالك والكلب مكسور - يشوفك محني مايكدر
راسك مسجد وقران - راسك وسفة يتطبر
ابمحرابة القمر ينزف - كوكب بالدمه الاحمر
تنزف جنة الايمان - صابو كعبة الفرقان
ساجد والدماء اتسيل - الامير شلون تنسانه
..............................................5
تبجي الزهرة والمختار - بمصابك يبو الحسنين
زينب بالحزن ضلت - تواسي بالدموع حسين
جبريل انكسر جنحة - ويبجي بفكدك التأويل
وعيسى ومريم ينوحون - وموسى ينوح وي ياسين
ياحيدر صدك ترجع - لينة وتمسح المدمع
نشف دمعت العباس - بعدلك والله ترعانة
.......................................
#حيدرموسى الرميثي
BY الحان الرادود مصطفى الكربلائي
Share with your friend now:
tgoop.com/mllemustafa/8313