tgoop.com/mllemustafa/8102
Last Update:
ادري جابك ياجرح دهري الي
مالگيت امچان بس هامت علي
مومكانك يله روح **** تكفي عدنه شكد جروج
ادري جابك ياجرح دهري الي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
انه زينب ياجرح مني شتريد
خلي ابوي اعلينه مگبل تدري عيد
انه من انظر الك همي يزيد
الروح لو عن الجسد تمشي شيفيد
براس حيدر لاتسيل **** ماطلبت المستحيل
ضلتك بيه تشمت عاذلي *ادري جابك ياجرح دهري الي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
كون انت اتصير وصط احساسي
چان حيدر عفته صرت ابراسي
مروتك لاتاخذ اقرب ناسي
شيبت من الونين انفاسي
لمن تنزل دمعتي **** وياهه تنزل حسرتي
من وجودك هاي دمعاتي اتهلي *ادري جابك ياجرح دهري الي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
شلون گلبك طاوعك ذاك الفجر
راس ابو الحملات منك ينطبر
مااظنك تمشي عن راس الطهر
شمااشوفك رايح وياه للگبر
منك اسمع ودي صوت **** گلي نيتك شنهي موت
حتئ احظر ادموع لوداع الولي * ادري جابك ياجرح دهري الي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
براس حيدر لاتظل لا ياجرح
كون ماتبقئ لحد وجه الصبح
سيوف نظراتك الي وبيهه انذبح
شمااصدلك بيك اصد راس ورمح
بيك مدري براس ابوي **** راس بي روعه لخوي
فوگ راس الرمح منك يعتلي *ادري جابك ياجرح دهري الي
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
بشارالسامي
BY الحان الرادود مصطفى الكربلائي
Share with your friend now:
tgoop.com/mllemustafa/8102