tgoop.com/mllemustafa/7857
Last Update:
عذبني ليل احزاني // وقاسي كلب سجاني
بيدي السلاسل يا خلك لمن شفتها
واكبالي صارت عمتي وتذكرتها
*********
انه الغريب البلسجن خلصت حياته
ويتمنه كل لحضه التمر ساعه مماته
يا سوط من عندي استحي وكافي شماته
هذا انه ذاك البلكرم فارش عباته
اعله امتوني لو ضربوني // الزينب ادير عيوني
اشلون السياط بكربله زينب ولتها
واكبالي صارت عمتي وتذكرتها
********
اتمنيت انه المنسبي بالغاضريه
وبنار الخيام انجوت ياريت اديه
الهظمتني يا ناس الحبل مو كد رقيه
اليدفعله طفله بلا رحم مابي حميه
لو عنده هيجي ابنيه // جا ما خذه الترجيه
طفله وزغيره اعله السبي يالسلبتها
واكبالي صارت عمتي وتذكرتها
*************
عالناكه زينب عمتي والهم وحيها
شوف الزمان بكربله شمسوي بيها
يا وسفه بالسوط الشمر يفتر عليها
ومن كثر ما طفت خيم محتركه اديها
بكعب الرمح دفعوها // وفوك الشتم ضربوها
الخيمه يحراك الخيم ليش احركتها
واكبالي صارت عمتي وتذكرتها
******
بحيطان سجني ارسم كمت ذكره اعله ذكره
وكلبي اعله جدي المنذبح مدري اشيصبره
يا خيل مو بسج صحت هشمتي صدره
يا خيل صاح اخ ولزم بجفوفه ضهره
ليش بحجر يرمونه // ومن ينهض ايطعنونه
هوه الغريب وغربته بسجني اعرفتها
واكبالي صارت عمتي وتذكرتها
********
اشما اعطش بسجني كمت ما اشرب ماي
الما وره عباس الكمر لا يوصل اشفاي
يا ماي دبرلك عذر لا تحجي وياي
واهواي زعلانه الخيم عالمشرعه اهواي
اشعندك جفيت ويانه // وعفت الخيم عطشانه
وجفوف عمي اعله النهر ليش اكطعتها
واكبالي صارت عمتي وتذكرتها
***********
ما انسه عملت كربله وذيج الخرابه
واشلون كعدت بت علي فوك الترابه
والله وكت صار الخدر محد يهابه
والشام ابد ما تنحمل قصه عذابه
عماتي ويلي اعليهن /// اتراب السبي بعبيهن
والدنيه لو تسوه العتب جا عاتبتها
واكبالي صارت عمتي وتذكرتها
************
تمت
تحسين الخفاجي
BY الحان الرادود مصطفى الكربلائي
Share with your friend now:
tgoop.com/mllemustafa/7857