tgoop.com/mllemustafa/7620
Last Update:
هجر الحبايب والله هد حيلي
گلهم بعدهم مانمت ليلي
ياطيف مر بل اودهم
،،،،،،،،،،،،،،،،،،،،،،،،،،،،،
1
وجه البشر لوشابت اوصافه
گول اليحبه فارگه وعافه
جرح البعد ماضنه يتعافه
مثل الطلب تثمرله صفصافه
الفاگد عزيز اتخنگه كل صوره ،،،من تبجي عينه حگهه معذوره
معذور دمعي بعدهم ،،ياطيف مر بل اودهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،
2
شيب اليفارگ يطلع ابايده
گد مايمدهه الݘف اليريده
ليش اليحن دمعاته متفيده
شحال البقت معلوله ووحيده
گلهم يطيف الفرگه كتلتهه،،،وبخد اثركم دمعه بدتهه
للعين بلكت تردهم ،،ياطيف مر بل اودهم
،،،،،،،،،،،،،،،،،،،،،،،،،،،،،،،،،،،،،،،،،،
3
فوگ الثياب ادموعي انه اثيابي
طفله ومشوا كل اهلي واحبابي
مثل النده مايلتم اصوابي
وݘي بي عطرهم اشبگ احجابي
مااختنگ صرت اخنگ العبره،،،الفاگد حسرته اتشيب ابصدره
اشتاگ وابقئ ابأملهم ،ياطيف مر بال اودهم
،،،،،،،،،،،،،،،،،،،،،،،،،،،،،،،،،،،،،،،
4
لو واحد يرد ينشد اعليه
يدلونه كل هاي الخلگ بيه
لامايأشر ذيݘ البنيه
ذيݘ العبايه العلأرض هيه
أي بس عبايه صايره ݘني ،،،هيݘ المرض والفرگه خلني
الاحباب عافيتي يمهم ،ياطيف مر بل اودهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
5
بلاوالدي اليابيت ارد غربه
بيابيت اعيش وݘنت انه بگلبه
مابيه قوه اتبع أثر دربه
البنيه تبقئ ابلا ابو صعبه
شله بحياته الي فگد غالي،،،يذبحه اشتياقه أول وتالي
يرجعون لحضاني گلهم ،،ياطيف مر بل أودهم
،،،،،،،،،،،،،،،،،،،،،،،،،،،،،،،،،،،،،،،،،،،،،،،،
الشاعر بشار السامي
BY الحان الرادود مصطفى الكربلائي
Share with your friend now:
tgoop.com/mllemustafa/7620