tgoop.com/mllemustafa/7196
Last Update:
سلاما يغايب سلاما سلاما حبيبي سلاما
*************
ملينه من كد فركتك يمته ترد يالمنتظر
ضلع امك الما طاب ابد جم مره يالمهدي انكسر
بجروحك ابرودة شته وامتعبك اهوايه السهر
سامحني يالمهدي صحت خد امك اشلون انسطر
الى من نتانيك الى من سلاما يغايب سلاما
*************
خالي مكانك والزمن ما يرحم اكلوب التحن
مر بينه لو حته بحلم خل ننزع اثياب الحزن
مالومك اعله ام الحسن من تكضي ليلك بس تون
بالدار صاحو فاطمه والظالم ايكلهم وأن
اشكثر أن كلبها اشكثر أن سلاما يغايب سلاما
************
حته بصلاتي اتذكرك وما افكد اوياك الامل
كل ساعه اقره الندبه الك وكل ساع اناديك العجل
انته اول واخر بشر خلص حياته بلا اهل
الله يعينك سيدي جم غالي عن عيني رحل
يطيبن جروحك يتانن سلاما يغايب سلاما
************
انته المطر وانته العذب وانته الشمس وانته الضوه
يا نسمة الله اشعطلك من دونك ايموت الهوه
كل جمعه اصيح بحسرتي هسه يجي ونكعد سوه
يالماخذ اوياك الكلب اين استقر بيك النوه
غراما بجيتك غراما سلاما يغايب سلاما
****************
ملينه من هذا الوضع ما نحمل اغيابك تره
كمنه اعله المغيسل نجي ومن الصبح نلزم سره
فكد الحبايب مو سهل وعيني التودهم ساهره
جم غالي يبن العسكر ضمينه بيها المكبره
حطاما عراقك حطاما سلاما يغايب سلاما
*****************
تمت
تحسين الخفاجي
BY الحان الرادود مصطفى الكربلائي
Share with your friend now:
tgoop.com/mllemustafa/7196