tgoop.com/mllemustafa/6307
Last Update:
قصيدة (نزلة) للعباس(ع)
ذكــرهــم بمــاضــيهم .. حي الله عباس
حــي الله المـبــچـيهم .. حي الله عباس
------------
كلهم .. گـلهم .. عباس إسمي اوالدي حيدر
الوالد .. قـائد .. انـه ابن ذاك الـزلمة المعتبر
الناسي ..ناسي .. هاليوم أخليه زين يتذكر
اليوم الجمل رد بيهم .. حي الله عباس
حـــي الله المبچــيهم .. حي الله عباس
------------
بكيفك .. سيفك .. اليأمر وينهي وياخذ مراده
ذلــهم .. خـــلهم .. مثل العبيد الجيش والقاده
أشــر .. وأنظـــر .. عالجمع مـن يصير مشراده
لا مو زلم تدريـهم .. حي الله عباس
حي الله المبچيهم .. حي الله عباس
------------
سلــه .. وگـلــه .. يا سيف يلي امطلگ اگـرابه
المجمع .. يركع .. مدنگ يجـيك وياخذ حسابه
بذولـه .. جوله .. إلعب لعب بالجيش وأعصابه
ومن الدمه رويهم .. حي الله عباس
حي الله المبچيهم .. حي الله عباس
------------
كافل .. وجاعل .. هالحومه كلهة ساجدة گـبالك
عدلك .. بفعلك .. عزريل وحدة الشايل اخصالك
الخلف .. بالطف .. ما مات وأنت مخلف أفعـالك
أفعــالك اتــأذيهم .. حي الله عباس
حي الله المبچيهم .. حي الله عباس
------------
وضح .. وصرح .. وگلهم جديدة هاي الأطـروحة
اليرفض .. أقبض .. يا أبو فاضـل بالحـرب روحه
أسطر .. وأمطر .. عالحومة غيضك والجمع لوحه
وبرغبـتك مشيهم .. حي الله عباس
حي الله المبچيهم .. حي الله عباس
-----------
حرر .. وأسـر .. هالجيش كــله بقبضتك هوه
آمر .. وأصـبر .. والـما تجيلـك جــرها بالگوه
إبدي .. وإهدي .. الزينب أفعالك يابو المروه
راعي الخدر راويهم .. حي الله عباس
حي الله المبــچــيهم .. حي الله عباس
-----------
طبهم .. وشبهم .. وخلي الزلم تترادم امرادم
فنـــهم .. منـــهم .. الخيمة الحرة يدنه بنيادم
الشفته .. أنـته .. وياه ابسيفك سيدي اتـلازم
يابا الفضل ربيهم .. حي الله عباس
حي الله المبچيهم .. حي الله عباس
------------
حيدر تركي الكربلائي
BY الحان الرادود مصطفى الكربلائي
Share with your friend now:
tgoop.com/mllemustafa/6307