tgoop.com/mllemustafa/6251
Last Update:
صعدوهه بويه بدالي علمحمل
بلا ماي اذا ظل الورد يذبل
خل تروح اختي ابمكاني ،،وانه اضلن بويه اتاني
،،،،،،،،،،،،،،،،،1،،،،،،،،،،،،،،،،،
ادري التودع اختهه ينرفع بس جف بجيهه
واختي كد ماضلي كالت عافت علئ متوني اديهه
محنيه اوجهك تعتازه
اطول من عدهه العكازه ،بلكي اتغير الراي
تصرخ وارجف مدري شبيه
لتعوفيني اتصيح ارقيه ،من ينطيني ادواي
خل يمشي ضعنك وانه خليني
ولاتلتفت لودمعت عيني
حتئ لو بعدك جواني ،،انه اضلن بويه اتاني
،،،،،،،،،،،،،،،2،،،،،،،،،،،،،،،،،
جانت اتحضر السفرهه ولبست اثياب الجديده
بويه كل احنه صعدنه اختي شو ضلت وحيده
انه ادري بدربك يضهدهه
انه علئ المحمل اسندهه ،ماخليهه اطيح
خليهه اتباري العبدلله
واتكله من يفز اسم الله ،لاتترسهه اجروح
عبدلله متعود تناغيله
لمن يفز تركض تلوليله
بويه اذا ضعنك جزاني ،،انه اضلن بويه اتاني
،،،،،،،،،،،،،،،،،،،،،3،،،،،،،،،،،،،،،،،،،،،
بويه ليش العمتي زينب سولفت مهضوم عنهه
تكلهه كلهه هناك تورم يبقئ سالم بس متنهه
ماتلتف حبال عليهه
خاف اتموت هنا خليهه ،تباريهه ام عباس
تركض ماتكدر بلهيمه
باجر لوحركوهه الخيمه ،ماريدن تنداس
عن ياحرك يابويه تتكلم
وليش العقيله عليه تتالم
شفتك اتاشر علئ اذاني ،انه اضلن بويه اتاني
،،،،،،،،،،،،،،،،،،،4،،،،،،،،،،،،،،،،،،،،،،،،
وحده وحده صعدتنه متانيه يلحك سراهه
كللنه يابويه خذتنه وهيه جف حزنك خذاهه
عرضت بويه اختي علئ الناكه
ماصبر تصرخ بفاركه ،مايمشي بلياي
كعدت بويه كبال اضعونك
واتكلك اعطش من دونك ،انت الروحي الماي
بويه العليله شيبت رمشي
خلوهه تصعد وانه اضل امشي
ماافارككم ثواني ،،انه اضلن بويه اتاني
،،،،،،،،،،،،،،،،،،،،،5،،،،،،،،،،،،،،،،،،
احنه نمشي وهيه تكبر علينه صارت موقريبه
خطوه خطوه الشيب اخذهه وصارت من ابعيد شيبه
تكبر والدار اتخوفهه
خاف انرد ومانعرفهه ،تتعب من تنعاف
نرجع لوباجر للديره
نلكاهه من الهم جبيره ،،تذبل بيهه اوصاف
بلكي بدربنه بويه تتعافه
يكتله اخافن بويه المجافه
دمع البخدهه جواني ،،انه اضلن بويه اتاني
،،،،،،،،،،،،،،،،،،،،،،،،،،،،،،،،،،،،،،،،
الشاعر بشار السامي
يهدئ ثواب هذه القصيده الئ روح والدي المرحوم سامي
BY الحان الرادود مصطفى الكربلائي
Share with your friend now:
tgoop.com/mllemustafa/6251