tgoop.com/mllemustafa/6200
Last Update:
قصيدة في رثاء الإمام العباس عليه السلام
لسان حال السيدة زينب عليها السلام.
عگب خدري .. شلي بعمري .. يبوفاضل يبوفاضل
................
تعنّيتـــك .. تمنّيتــــــــــك .. تشاهدني
يبوالغيره .. أنه بحيـــــره .. دساعدني
أنه زينـب .. اجيت انحب .. تسـانـدني
نفذ صبري .. شلي بعمري .. يبوفاضل يبوفاضل
..................
بظلام الليـل .. بدموع تسيل .. وصلـت يمك
شفت جودك .. شفـت چفّـك .. شفت جسمك
صحت ويلاه .. يخــويـه وآه .. يصـب دمـك
نكسر ظهري .. شلي بعمري .. يبوفاضل يبوفاضل
..................
بچيت عليــك .. جروح البيك .. تـأذّيـنــــي
صحت عباس .. يبوالنوماس .. يضي عيني
خـمــد ونّــــك .. ردت منّـــك .. تحاچـيـنــي
دمع يجري .. شلي بعمري .. يبوفاضل يبوفاضل
.....................
عتب عندي .. صدگ وحدي .. تخلّيني
دريت الصار .. تشب بالنار .. صواويني
تسلّبنـــــــــه .. تعذّبنـــــــه .. تجافينـي
قهر دهري .. شلي بعمري .. يبوفاضل يبوفاضل
.....................
بـقـت ايتـــام .. بلايه خيـــام .. يواليـها
ولاها الخوف .. يريت تشوف .. بواچيها
ردت تحـضـر .. يبـن حيــــدر .. تحاميها
اظن تدري .. شلي بعمري .. يبوفاضل يبوفاضل
....................
اخبـــــــرنّـك .. غــداً عنّـك .. يمشّونه
عله الـهـــزّل .. صدگ تقبل .. يركِبونه
عتب شيفيد .. سبي ليزيد .. يـودّونه
انطفه بدري .. شلي بعمري .. يبوفاضل يبوفاضل
لحن القصيدة ملا باسم الكربلائي
شعجب موتي
سيد زيد الفحام
________________
BY الحان الرادود مصطفى الكربلائي
Share with your friend now:
tgoop.com/mllemustafa/6200