tgoop.com/mllemustafa/6136
Last Update:
نشرت الزهره قميص احسينها
امن السمه للكـاع ضج اونينها
الزهره من نشرت قميص المنذبح
مثل واحد رش على جروحي ملح
ابجي لام جرح الكلف ليل وصبح
وعالعطـش والجثه الامسلبينها
عالعطش جمر الكلب وج ماطفه
غفه الليل وجفني ساهـــر ماغفه
حاشى واحسين انذبح من الكفـه
وبت علي مهضومه وامزعلينها
زعلــوها اخــت الكمــر الامدللـه
وطلـعـوهـا امــن المخيّـم للـفـلـه
الله اكبــر صاحـت ابنص كــربله
احسين حـدر الخيل هاشم وينها
وين هاشم كطعو اجفــوف الشيم
ماتظـل هيبـت عشيــره ابلا علـم
جتّفـــو عمّتكــم ابحبــل الخيـــــم
وشافـت انجــوم النـهـار ابعينـها
ركضت وشافت وليها اعله الثره
والعطــش ذبّل ارسومــه وغيّره
نشدته عن محبسه وعن خنصره
كلـهـا ترجيـــة رقيــه وينــــــها
كلها جسمي وخدي عالكاع انفرش
وحق جدي راح اموت امن العطش
اشلون حالج خويه وي ليل اهدعش
ادروب هيمه اعله الهزل تمشينها
ادروب ماممشيه والشامــــت وراج
وماكو رايه اردانچ ايصبّح غطاچ
هــــذا واثمانيـــن مكفــول ابحمــاج
الشـــام راح ابـــلا اخـــو اتطرينها
احمد الهلباوي
BY الحان الرادود مصطفى الكربلائي
Share with your friend now:
tgoop.com/mllemustafa/6136