tgoop.com/mllemustafa/5690
Last Update:
#قصائد_استشهاد_الامام_علي_ع
مقدمة مجلس .
أنطبر حامي الحميه... أسد الله ونبيه
××××××××××××××××××××××××××××
الدهر ياحيف صب ظيمه علينه
اوصوت النوح للوالي علينه
تغسل من دمه ا لهامه علينه
وعليه هلت دمه عيون البريه
÷÷÷÷÷÷÷÷÷÷÷÷÷÷÷÷÷÷÷÷÷÷÷
الحزن جرد سيوف الهم وحدهه
انطبر فارس حرب خيبر وحدهه
تنوح الكوفه بغيابه وحدهه
عكب المرتضى ظلت خليه
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
الوصي ويل موت هليله وعيده
واظلن الهج بذكره وعيده
شهر رمضان مايحله وعيده
وبو الحملات بحضان المنيه
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
ينوح العالم ابئنسه وجانه
وبنار البُعد حيدر وجانه
العيد أيامه وصلنه وجانه
وبيام الفطر ننصب عزيه
÷÷÷÷÷÷÷÷÷÷÷÷÷÷÷÷÷÷÷÷÷÷÷
علي الفر الفلك بيده وداره
أرخصله دمع عيني وداره
ظلمه الليله محرابه وداره
انطفت شمعة حياته بهل رزيه
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
طاح البل حرب خصمه جدلهه
ولمصابه الدمع عيني جدلهه
العقيله اليوم جن فكدت جدلهه
تشوف الوالي بحضان المنيه
÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷÷
✍الشاعر رعد الجريخي✍
ملاحضه ثكيله بنكهة التراث الحسيني
BY الحان الرادود مصطفى الكربلائي
Share with your friend now:
tgoop.com/mllemustafa/5690