tgoop.com/mllemustafa/5042
Last Update:
قصيدة ( ميمر مجنس ) في رثاء فاطمة الزهراء عليها السلام والإمام المهدي المنتظر عجل الله فرجه الشريف
يالتستمع اجري الدمع
ما ينجبُر. كســر الظلع
إلّا بظهور الموعود من يظهر ابفقّاره
_ 1
ما يشفه ظلع امّ الحسن. يالمها
تشكي لأبوها المصطفى. يالمها
لو جَـمّـع انصــاره الولي. يالمها
يوفي الوعد. شبل الأسد
ثـار الظلــــع. لازم يــرد
ثاره ويردّه بضعفين هيهات يترك ثاره
2
ليش الصحـابه ما وفت دافعها
يعرف سبب هجمتهم و دافعها
ويله العصرها بلا ذنـب. دافعها
الصار السبب. خل يرتقب
امـر الفَـــرج. كلش قـرب
والحرگ باب الزهراء مهدينه يحرگ داره
_ 3
لَـمّـه الزچيـــة المنتظر. سرّاها
ثـارچ امـانـه بـرگبتـــي سرّاها
للباري دعـوة من الگلب سرّاها
يدعي بحزن. ابن الحسن
صبح ومسه. لثاره يحـن
( اَمّن يُجيِبُ المُضْطَرْ ) يدعي وتصب اعباره
_ 4
من تگرب حبـــال الصبر. يگطعها
دروب الصحــاري برايته. يگطعها
روس اللي ظلمت فاطمه. يگطعها
هـــذا الشـهـم. مـن ينتقم
بسيفه الغضب. يفني الظلم
والهجموا عله الزهراء. يـذبـحـهـم ابتّــاره
___ 5
بهـاي القضيـة المنتظـر. صاحبها
امر السقيفه يكشفه وي. صاحبها
اهل السقيفه الخانت بــ. صاحبها
لابُـد تـذل. من تنسئل
منهم عذر. ما ينـقـبـل
إلّا بقصاص الشيخين. انزف للزچيّة ابشاره
سيد زيد الفحام
__________________________
BY الحان الرادود مصطفى الكربلائي
Share with your friend now:
tgoop.com/mllemustafa/5042