tgoop.com/mllemustafa/17746
Create:
Last Update:
Last Update:
قصيدة يبو اليمه البعد جمراته
للشاعر : سيد سعد الذبحاوي
اداء الرادود باسم الكربلائي
ليلة 1 محرم 1419
يبو اليمه البعد جمراته بحشانه
و قلبنه إبفرقتك نتحده أحزانه
آه إعليك يا بو اليمه
آه إعليك يا بو اليمه
كل نار اليوجرها الدهر تخمد
بس نارك تظل بالروح تتجدد
حرارة حبك التغلي فلا تبرد
اليوم المحشر إتظل هذي نيرانه
إلك يحسين بين الروح جم جمره
إلك نيران بين إحشانه مستعره
إلك بين الصدور المؤمنه عبره
و صوت اللي يحبك لهجة إلسانه
جذبة أعقلوبنه كلها و مشاعرنه
و ملك حبك عواطفنه و ضمايرنه
و إنت الدمعه التكحل نواظرنه
و بيوم الحشر حاشاك تنسانه
إلك كعبه و قرار إبكل قلب يحسين
إلك مغنه بجت بيه سيدي كل عين
إلك مروه و صفه برواح المحبين
و بيها صار يبو اليمه مسعانه
الاديب سيد سعد الذبحاوي
BY الحان الرادود مصطفى الكربلائي
Share with your friend now:
tgoop.com/mllemustafa/17746