tgoop.com/mllemustafa/17736
Last Update:
صحت يحسين كل يوم لازم اشكرك
انه اشمنطيك كلي يالمنطي نحرك
محرم من يمر الك ابجي اشكثر
****
ارتفع قدري اشكبر حضي وشفت جاهي عله
انه ودمعي اعتقد ربي خلقنه بكربله
اموت ابلا مجالس الله خالقني اعله مودك
اشكبر هالنعمه هايه امن اعطش اتشربني جودك
وكفت بخط الاول حته اصيرن من جنودك
شهر عاشور لو مر اتحزم احزام
انه بسجلك يحسين سجل اسمي لطام
خذت منك اجر الك ابجي اشكثر
******
يبو اليمه ترست ايدي وانه بخيرك عشت
ارتفع راسي وكبر صيتي وملك والله صرت
الحمد لله خدمتك سيدي من الطفوله
واليدورله شهره امن السجل هذا تزوله
لازم انته اليخدمك خدمته ما بيها لوله
الخادم ايصير خادم من يخلص وياك
وشكثر ناس جرحوك ونكلبو اعداك
يخدمونك كفر الك ابجي اشكثر
*****
عليك الطم يمن نحرك نزف دم اشكثر
اريد اخسف صحت صدري لجل ذاك الصدر
عطشت انته اعله مودي وبالعطش لازم اذكرك
شلي بصدري حبيبي وداست الخيل اعله صدرك
اكوم وضهري سالم وانته كلها امطشره ضهرك
طحت يحسين والماي من عنده حرموك
تريد اتكوم والكوم جم مره طعنوك
انعصر كلبك عصر الك ابجي اشكثر
****
كَبل امي تلوليلي وتكمطني بعلم
وعله الفطره تضل تدعي اصير امن الخدم
وابوي الكبراني وعلماني اعله المجالس
دعيت الله يوفقه عالطم سوالي واهس
لكيت الحب ترافه من شفت جن كبلي عابس
انه المجنون يدرون ماخذ قراري
الك مولاي بدماي كاتب شعاري
بخدمتك افتخر الك ابجي اشكثر
******
امن اطوفنك وشم عطرك يرد بيه النفس
اعله شباجك اذب روحي وريدك يمي بس
يبو اليمه امن ازورك دمعي يقراها الزياره
اجيك بنيه بيضه حته اخضرلك مناره
وحياتك كلها تخسر بس خدمتك مو خساره
اجيك بشوك معشوك ووكف عله الباب
ونوح بنوح مجروح وبصدري العتاب
وشم ذاك العطر الك ابجي اشكثر
***
تمت
تحسين الخفاجي
BY الحان الرادود مصطفى الكربلائي
Share with your friend now:
tgoop.com/mllemustafa/17736