tgoop.com/mllemustafa/14034
Last Update:
الليالي الفاطميه
مظلومية أستشهاد الزهراء عليها السلام
...............
فاطمه الزهره علي دفانهه
أو عشره شالو علمتن جثمانهه
...............
أم حسن وحسين مابين الجمر
أوبين مسمار الأجه أبلب الصدر
طايحه أعله الكاع والدمعه تدر
أمكسره الضلعين والخد منسطر
منهجر هليوم ظل قرءانهه
أوعشره شالو علمتن جثمانهه
.................
من أليم أمصابهه اتنوح أوتون
جف سطرها أوجف دفعها بلغبن
أوزركه من السوط ظلت علمتن
الحين غسلهه علي أوحين الدفن
العذاب المرهه ظل عنوانهه
أوعشره شالو علمتن جثمانهه
...............
البيها صار أودار خلاها أبذهول
أدير بس العين ماتدري أشتكول
أجرك الله أيعظمه فحل الفحول
الدار محتركه عله بنت الرسول
أو واصل السابع سمه دخانهه
أو عشره شالو علمتن جثمانهه
.................
مات أبوها والدهر بيها غدر
أوذممت حيدر علي بنت الفخر
لا تدلي أبكبري حيدر أي بشر
عشره شالوه النعش وكت السحر
أوحيدر أبكلبه كتم عنوانهه
أو عشره شالو علمتن جثمانهه
.................
بين شاخات الدمه أوسيل الدمع
حيلها المنهار من كسر الضلع
ماسعفها أتكوم لو تمشي صبع
طاحت أعله الكاع مابين الجمع
أولهبة النار أبشليل أردانهه
أو عشره شالو علمتن جثمانهه
..................
طاح محسنها وسط سيل الدمه
يمه حاجي أمك تون وتكلمه
الله لا ينطي السقيفه المجرمه
المارعت حق جده أوحق فاطمه
أوظلمت الزهره الزجيه أعوانهه
أو عشره شالو علمتن جثمانهه
..................
اليوم شيعها علي أبحسره أوألم
مو دمع بفراكهه عبراته دم
الماتهزه الحرب كل حيله أنهدم
يم كبرهه أتربع أوصبره أنعدم
بلجي والزهراء يحجي السانهه
أو عشره شالو علمتن جثمانهه
.................
بنت أبو القاسم حليلة حيدره
وسدتهه الكوم جثه أعله الثره
يانبي أومرسل عله بنته الجره
الصار ع الزهره الزجيه الطاهره
آه علزهره العظيم أحسانهه
أو عشره شالو علمتن جثمانهه
....................
خادم أهل البيت
الشاعر : أسماعيل الجوراني
✿
BY الحان الرادود مصطفى الكربلائي
Share with your friend now:
tgoop.com/mllemustafa/14034