tgoop.com/mllemustafa/13779
Last Update:
يا سيد البرية - تجليبة
گمت أصفـــگ بيديّه يا سيــــد البــــــريه
جيتك ضلعي مكسور بويه و حگي مهدور
يا سيد البريه
* * *
إجيتك و الدمع يجري إعله خدي دموم
و همومــــي ثجيله إشگد حملت هموم
أفجلك گلبــــي و تشوفه الگلب مالوم
و يا جــــــرح الأداوي و الدوه معدوم
من الضيـــم إلعليّه تمنـيت المنيــه
همي يغرگ البحور بويه و حگي مهدور
يا سيد البريه
* * *
رحت إنته و عفتنـــــي للألم و الآه
يلچنت الأمــــــل و أتلهف إلملگـاه
أمشي مدوهنه يا بــــويه فكري تاه
خل أيامي تحچــــي فراگك السوّاه
أون ونتـــي خفيه و آنه البيّــــــه بيّه
الهم إبيتي و يدور بويه و حگي مهدور
يا سيد البريه
* * *
عــــــرفنه الينهضــم هلوادم إتسليه
تصبـــره عالألم بمصابه و تواسيه
و آنه بت محمــــد و انفجعت عليه
و لا واحد رحمنـي و گلبي يراعيه
أصحـــاب الرديّه منهـــــم چــم رزيّـه
عليّه گامت إتجور بويه و حگي مهدور
يا سيد البريه
* * *
أبچي و الدمــــع صاحبني تدريبه
خلانــي الوكت من بلوه لمصيبه
أنحب عالأبـــــو و الراح شيجيبه
أشكيله العدو و أشكيله تـــــرهيبه
دمعاتـــــــــي جريــــه عبـــــــراتي شجيـه
رحت يلچنت إلي سور بويه و حگي مهدور
يا سيد البريه
* * *
ماكو بت نبــــي غيـــري يبو الأطياب
گلبي منهضم و بصدري صار صواب
من أذكرهــم وصيتك ما أحصل جواب
شعدهه الوادم خـــــــــلافك تشد حراب
عافــوهه الوصيّه يا راعـــــي الحميّه
حيدر شفته مغدور بويه وحگي مهدور
يا سيد البريه
* * *
يا بويه الهضــــــم خلاني ليك ألفي
أشكيلك همومي و حيرتي و ضعفي
أصحــــــــابك حقدهه بعلن ما تخفي
توافيك إبجفــــــــاهه يلچنــــت تعفي
بحكـــــم الجــاهليه حكمـــــوهه الرعيّه
أخذو ورثي بالزور بويه و حگي مهدور
يا سيد البريه
* * *
علاء العبودي
6/1/2009
BY الحان الرادود مصطفى الكربلائي
Share with your friend now:
tgoop.com/mllemustafa/13779