tgoop.com/mllemustafa/13778
Last Update:
بعدك يا رسول الله – تجليبة
علينه الله يشهد خلافك يا محمد
يبو إبراهيم مـــــا واحد رحـــــم بينه
* * *
رحـت عنّــه و عفتنه يا نبـــي الأمه
و ظلينه بجـــرحنه و كـلمــن بهــمه
شملنه إللـــــــي تفــرق ياهــو إليلمه
بيده يقــــــــودنه و يوحــد الچلــــمه
رحت عنه و عفتنه من فتنه لفتنه
عفتنه للهضـم بيديــن أعادينه
* * *
حزنـــــــان الصميده و يسچب العبره
عله فراگـــــــك ولينه ياهـــو إليصبره
يتمـــت الحسـن و حسيــن والزهــــره
و إجت سيل المصايب تصب عالعتره
الكرار بمصيبه من فارگ حبيبه
عله فراگك يهادي الله يعينه
* * *
الصـــــــار إبضعتك منه يشيب الراس
عتبــــــة بابهه شلــــــون بحقـــد تنداس
حرگت دارهه و عابت صدرهه الناس
و بذاك الوكـت چـن ضايــع الإحساس
إسأل هلصحابه شگال الله بكتابه
العاده عترتك ما ملتزم دينه
* * *
و الكــــرار سيفـــــه الشيّد الإســـــلام
حمل لوعـــــات عگـبك حاطته الظلام
بمحـــــــــرابه يتصـوّب تفرح الأقزام
و الشيعــــه تعيش الحســـــره و الآلام
إنودع الصميده الكل يصفگ إبإيده
و ظلت شيعتك مالومه و حزينه
* * *
أصحابك من ينادونك يبـــو السبطين
يدرونــك سلـــوتك هلحسن و حسين
خلافـــك حاربتهم زمـــــرة الطاغين
مسمـــــوم الحسن وين الوفه چا وين
حسينك عالوطيه هاي أفعال أميه
و عباس البطل طفّه السهم عينه
* * *
بعد الطـــف يبو الطاهـــــر بعد ناره
چن الطاغـــــــي من عندك أخذ ثاره
بناتـــك وي عدوك يمشـــــن إيسـاره
ركبـــن علهزل و الدمــــــع يتجــاره
و عليلك باقي وحده و دموعه إعله خده
فوگ العله عدوانه إمگيدينه
* * *
لو حاضــــــر بنينـــك حيلك إتهـــــدم
گظـــو كلهم أخبـــــرك بالچتل و السم
و منهم بالسجــن صار السجــــن معلم
و منهــــم بالغــــرب عالوطــــن يتألم
من ديره لديره عدوانه تديره
بديار الغرب گبره أبعد علينه
* * *
و إلهذا الزمــــن بينه الجـــروح كبــار
مثـــل الطـف ولتنه يلنبـــــــي الكفـــار
نـــــريد إبنك يجينه و خــل يطفي النار
نگـــــوم ويـــــاه للمظلـوم ناخــــذ ثـار
شفنه إشگد مصايب و إبنك عنه غايب
إشوكت المهدي يلهادي يجينه
* * *
علاء العبودي
20/2/2009
BY الحان الرادود مصطفى الكربلائي
Share with your friend now:
tgoop.com/mllemustafa/13778