tgoop.com/mllemustafa/13777
Last Update:
الرسول (ص) و الصحابة – موشح
خل تحاچيك الصحـــــــابه علومهه
شلون عالعتـــــــــره تبث سمومهه
* * *
گوم يلهادي و ناشـــــــــــد صحبتك
صانت ويــــــــاك العهـــد لو خانتك
و الله يلهــــــادي من يـــوم مصيبتك
و عتــــــرتك زادت عليهه همومهه
* * *
إســـــــأل شلون إنغدر حامي الحمه
شلـــون هلأصحاب عصرو فاطمه
ظلت بكســـــــر الضلـــع متألــــمه
و مــن ألمهه راحت إلمحتومهه
* * *
ناشــــــد الأصحاب عن طبرة علي
و إنته عنه تگـــــــول هذا إلكم ولي
گلت أوصيكـــــــم كتاب الله و هلي
هلـوصيه و إنست مــن يومهه
* * *
ياهــــــو إليجاوبــــك حين إتسائله
الحسن مسمـــــــوم ياهـــو إلچاتله
و ياهــــــو إلفيّض دمــاك إبكربله
بعـــد شتعاتب أميـه و گومهه
* * *
و الحرم متيســـــــره ويه أهل الغدر
تنضــــــــرب بالسوط و المدمع يدر
تطلـــــب العدوان ثـــــــــارات إبدر
و أخــــــــذت الثارات من مظلومهه
* * *
گـــــــوم ناشدهم عله زيــــــن العباد
ينزف مـــــــــن الگيد و بولية أوغاد
مصاب أولاده لعــــــد الگلب چــــاد
راحـــو إلچانو سمــه و نجومهه
* * *
گــــــــــوم للكاظـــــم و بدد و حشته
و الغريب بطــــــــوس إرحم غربته
و الجـــــــواد أهل الغدر مــن سمته
شلـــــون تتهنه يهادي بنومــهه
* * *
نـــــريد نشچيلك بهاي المظلمـــــه
و العيــــــون بلا دمـــع تمطر دمه
إنظـــــــــر إلگبه الهادي إمهـــدمه
مـن بدت ربع الصحابه هجومهه
* * *
علاء العبودي
21/2/2009
BY الحان الرادود مصطفى الكربلائي
Share with your friend now:
tgoop.com/mllemustafa/13777