tgoop.com/mllemustafa/13723
Last Update:
لوعة الشام – تجليبة
عذبنـــي بويه الشام عدّه الغاضريه
أوحيده بين أجنــاب لا واحــــد إليّه
ناديت أخوتــــــي وين ما يسمعوني يا بويه ترضه شلون من يهضموني
٭ ٭ ٭
يا بويه وحيده و حيرتـــي حيـره
وصلت الشام من ديره لعد ديـره
أشوفن هلخلگ چن بايعه الغيره
يحتفلون عدهـــم خِدّر يسيـــــره
وين أنطي وجهي وين و بگلبي ناري
بس أجذب الحسرات ليلي و نهـــاري
أبداً مبطـــــل ونيــــن ذبلت جفونـــي يا بويه ترضه شلون من يهضمونـي
٭ ٭ ٭
لو يمك لذب بگبـــرك المعصب
و أگلك يلصميــده گوم و إتوثب
أنه بتك يحيدر و اتعـرف زينب
ما أناديك إلا للصعب و أصعب
صعب اليسر يا حيد ويّه المذلّه
يبرالي يا جيدوم شمر و خوله
و اليوم يم يزيد هلوصلونـــي يا بويه ترضه شلون من يهضموني
٭ ٭ ٭
أطبن للمجالس ما حِسب بالــــي
مچتوفه الهضـــــم كله تعنالــــي
آنه وياك محــد شايــف خيـــالي
صرت بالمجلس الشمات تبرالي
بت من أنه و اليــــوم مجلس أطبـه
و تتخازر الشمـــات يا بويه صعبـه
وينك يسبــــع البيــــد هلروعونـــي يا بويه ترضه شلون من يهضموني
٭ ٭ ٭
فرحــــان الدعــــــــي بمجلسه الحره
أشعـــــار الشمــــــاته و الفــرح يقره
يضرب روس أخوتي و عيني تنظره
و أنه بگلبي الحزن صرخات متفجره
شتمك يا بو الجود و عيونــــي تجري
لا من هلـــــي نغّار خلالــــــي دهري
دهري قِسه وياي زادت شجونـــــــي يا بويه ترضه شلون من يهضمونـي
٭ ٭ ٭
أنه لو عندي والي محــــد إتجسر
و لا واحــد عليّه باليسر يگــــدر
يضربوني و أدنگ ليش يا حيدر
تمنيتك و أبو فاضل إلــي تحضر
إتمــــاده هـــــذا العــــاق محـد يرده
و الأخوه بس الروس جابوهه عنـده
من صحت يا عباس ضربو متونـي يا بويه ترضه شلون من يهضموني
٭ ٭ ٭
أطفالي مروعه و ياهو اليحاميهه
و الگيـــد شعمــل يلمرتضه بيهه
رقيه الراحــــت و تندب يواليهه
دفنتهه بالخرابه و هــم أرد ليهه
بالشـــــام منـي تروح و الله حريمــه
و النـــار بيّه تگيــد نـــــار الهضيمه
منين إجلب الأحبــــاب و الفارگوني يا بويه ترضه شلون من يهضموني
٭ ٭ ٭
علاء العبودي
26 / 11 / 2014
BY الحان الرادود مصطفى الكربلائي
Share with your friend now:
tgoop.com/mllemustafa/13723