tgoop.com/mllemustafa/13388
Last Update:
ماخابَ من يتمسك ابهالخدمه
بإخلاص كون وتضحيات ورحمه
السلطان ميبـاوع الشكله واسمه
ايباوع عله النيه وعود ينطي الأجر عالنيه
ــــــــــــــــــــــــــــــــــــــ
الديكـور ميريده يريد الأخلاص
مو صوت راقي وكامره ومجلس خاص
أمن امعاويه كلي اشقبض ابن العاص
يركض وره الدنيه اركاض وللمزبله تاليه
ــــــــــــــــــــــــــــــــــــــ
الـمجلس ضريح إوبيْ لا تستعرض
ولتفكر اشگد بالـمقابل تقبض
اقره القصيده وبيهه ركز واحفض
جاي انته تقره القرآن بس بشكل لطميه
ــــــــــــــــــــــــــــــــــــــ
الخلاك بين الناس عالي ومشهور
تتـواضع ايريـدك بعد يالـمغرور
مو آية الله تنگلب فـي عاشور
ومن تخلص العشر أيام تنساهه الانسانيه
ــــــــــــــــــــــــــــــــــــــ
حلوه البساطه والأنا مو طبعك
أبقه ابسراك ولا تغش وي ربـعك
صوتك افلـوسك منصبك ميرفعك
بيد الحسين التوفيق والرفعه ربانيه
ــــــــــــــــــــــــــــــــــــــ
احسين اشتراك ابدمه رادك قدوه
يالعودك اشتد بالخدامه استوّه
عابس الثاني اتصيـر مو بالگوه
عوف الأمر يامسكين يم صاحبه وراعيه
ــــــــــــــــــــــــــــــــــــــ
يالخادم اهتم بحضور الزهره
تحضر الـمجلس فـاطمه المنكسره
ويحضر اوياهه العجل الله أمره
واثنينهم يم الباب يبچون عالـمسبيه
محمد الجماسي
BY الحان الرادود مصطفى الكربلائي
Share with your friend now:
tgoop.com/mllemustafa/13388