tgoop.com/mllemustafa/11080
Last Update:
#قصائد_محرم
قصيده للعليله ع بعد خروج ضعن
الأمام الحسين عليه السلام
(وداع القلوب )
ـــــــــــــــــــــــ••❃••ـــــــــــــــــــــــ
گلبي ويه وگلبه تفارگن
لمــن مشه وسار الظعن
گلبـــي اعتنالــك
ملهــوف اجالــك
لمــن مشه وسار الظعن
ـــــــــــــــــــــــ••❃••ـــــــــــــــــــــــ
بنتك يبويه معلعلــه
بخيالي مرت قافلــه
اركض وراها وسائله
بالكن تروح الكربلــه
يابــويه راحــــت
ودموعي طاحت
من بعدك عيوني بچن
لمن مشه وسار الظعن
ـــــــــــــــــــــــ••❃••ـــــــــــــــــــــــ
من ودعتكم وماگلت
وبهمي لا ماسولفــت
انه ويه گلبي تعذبت
مــن البعد وتمرمرت
احجي بجروحي
انـه ويــه روحي
وجروحي بيكم سولفن
لمــن مشه وسار الظعن
ـــــــــــــــــــــــ••❃••ـــــــــــــــــــــــ
بدار الاهل غابت شمس
مطفيه شمعات العــرس
وشهكة وداع التنحبس
وذكراهم بشهكت نفس
بــانفاسي ذكـــره
وبعيوني عبــــره
وبالي چم صوره البقن
لمـن مشه وسار الظعن
ـــــــــــــــــــــــ••❃••ـــــــــــــــــــــــ
يــابويه فارگت الاهــل
وانطر خبر منهم وصل
بجفوني عيشت الامـل
وامالي ظلت عالرمـــل
احلامي مــاتت
واحزني عاشت
عمري الگضه كله بحزن
لمــن مشه وسار الظعن
ـــــــــــــــــــــــ••❃••ـــــــــــــــــــــــ
بالعتبـــه خليتــه الگـــلب
وعيوني بس تربي الدرب
الفرگه تصعب عالمحـــب
نـــار بدليـــله مــن تشب
شوفتهم المــــاي
شيطفي ذكـــراي
اعيوني بدربهم غورگن
لمـن مشه وسار الظعن
ـــــــــــــــــــــــ••❃••ـــــــــــــــــــــــ
تمت
كلمات
عباس فاضل الشمري
BY الحان الرادود مصطفى الكربلائي
Share with your friend now:
tgoop.com/mllemustafa/11080