tgoop.com/mhsui/9583
Create:
Last Update:
Last Update:
اليساوونه بعلي هم مثله كون يصير
من يحمل السيف ويحمل الرايه
وهم يكدر يواجه بالحرب شجعان
مثل ماعلي واجه وادرك الغايه
حجي التاريخ ماصخ ماعليه اعتاب
المصحف ثابت وبيه لعلي اولايه
اقره المائده بال خمسه والخمسين
سادس جزء بي وامثبته الايه
عوف الكتب روح لسورة الاحزاب
من بلغت حناجر سيفه كفايه
من كامت الوادم ترجف من الخوف
الضمت روسها ماتنعد اهوايه
بيمن كفى الله الناس ذاك اليوم
من صاح ابن ود وين اهل الحجايه
ياهو بروح ابوك اتسمه داحي الباب
هم كلي فلان البي الف سايه
تره حجي النفاهه هواي بي تسطير
ما يشبه إملاكه سيوف الامنايه
اليساوونه بعلي لو نبي لو قرآن
لو نفسه علي يتساوه وي رايه
لو بي أيه نزلت لو انشقله البيت
لو آخا محمد قارنه بهايه
لو موجود وصفه بهل اتى تلكا
لوايده اعله وجهه وايحفظ مايه
BY قناة الشاعر محسن الجنابي
Share with your friend now:
tgoop.com/mhsui/9583