هدوء 😌😌

Forwarded from It's Tanzeel ♡.

-
#معاي_حكاية_تحب_تسمع❤️؟


بتحكي:

بقلب القنوات في الراديو عشان أجيب قناة للقرآن الكريم..

فـ اشتغلت فجأة قناة شغالة فيها غنية لـ نانسي عجاج" بلدًا هيلي أنا "

اتذكرت زمان إني كنت بسبب الدنيا وأجي عشان أسمع

لقيت نفسي مررت القناة عادي وابتسمت مع ترديد" سبحان مغير الأحوال"

بعدها سبحان الله أسمع ليك الصوت الما بيغباني😂 نااااااااسي الزمااااااان اتغيرررروووا لكني ما اتغيرت أنااااااا! !!! (مقطع من أغنية معروفة ليها)

وبرضو لقيت نفسي مررت القناة بدون أدنى تردد بل بدون ما يكون عندي رغبة أصلًا أسمعها.

فسبحان الله اتذكرت زماان لما كنت ماشة الجامعة وغشيت الدكان ولقيت الحوت شغال وبادي يدوب نفس الأغنية الفاتت ،وكانت عندها مكانة كبيرة شديد جواي

اتذكرت كيف إني فضلت واقفة لغاية ما الأغنية خلصت واشتريت الدكان كله وخلصت قروشي بدون ما أشعر عشان أسمعها بس😂

واتذكرت لما كان عندي كمية كبيرة من أغاني الحوت وأبو السيد والتومات ونانسي عجاج وكاظم وشيرين وهاني شاكر 🙊😂

وكيف لما كانت تجي سورة البقرة أو يوسف أثناء ما انا بسمع بتضايق وسريع سريع أقفل السورة واواصل سماع الأغاني عادي .

ولما ضميري يشغلها لي وإنه كيف تقفلي السورة؟ بلاقي نفسي بفتش أعذار و بقول :" دا ما مقام السورة ما مقامها إنها تشتغل وسط الأغاني"

وبـ كدا بلاقي نفسي اعترفت بيني بين نفسي إني استبدلت الذي هو أدنى بالذي هو خير


اتذكرت بعدها لما بديت أقرب من القرآن ومسحت الأغاني كلها بس لما نفسي تغلبني افتح يوتيوب اسمع وتاني أقوم أقرأ سورة عشان أطهر قلبي وكيف كانت معاناة وجهاد مرهق شدييييييييييد

اتذكرت لما خلاص بقيت حتى لو فتحت أغنية في يوتيوب قلبي يوجعني ويومي كله يبوظ وقررت تاني ما أسمع خالص خالص وأجي أسمع اغنية أنا بحبها في المواصلات أثناء ما أنا بصلي على النبي أو بقرأ سورة البقرة فلا أعرف اسمعها ولا أعرف أواصل في السورة أو الذكر واتذكرت لما حبيت أبدا قيام الليل في الثلث الأخير وكيف كنت بفضل اسمع أغاني عشان أفضل صاحية للثلث الاخير عشان أقيم الليل بالبقرة وكيف كنت بحس إني منافقة مذبذبة بين ذلك لا إلى هؤلاء ولا إلى هؤلاء 💔

اتذكرت بعدها لما ربنا بعد الجهاد دا كله أكرمني بالقرآن وكمية الراحة الوجدتها فيه وكمية الأنس والمتعة والخير الكتير

اتذكرت لما بقت حتى الأناشيد وأغاني السيرة بالدلوكة أصبحت لا تسوى عندي لذة إكمال آية مع القارئ في الراديو.❤️

ولما ما أعرف اسم السورة أقعد اسيب شغلي كله - زي ما كنت بعمل زمان مع الأغاني - عشان أعرف بس دي سورة شنو الكانت شغالة .

اتذكرت بعدها كيف أصعب أيام حياتي في السنة دي كانت مع القرآن لم هجرت بيتنا بسبب الحرب وسبت أهلي واتحملت مسؤولية أكبر مني ،ولم مرضت بعيد عن اهلي وعشت ايام لا يمكن وصفها ، وطلعت بعدها وأنا لا أطيق الساعة عندي تمر بدون قرآن.

حتى حديث البشر وحكاياتهم لو ما دخل فيها القرآن بشعر بالملل


الأغنية الكانت شغالة في الراديو طلعت منها عاادي ، اللهم بارك الراديو شغال عندي أصلاً 24 ساعة، مرات قرآن، مرات بسمع برامج متنوعة اشغل بيها نفسي .

وبدل ما كنت انتظر لغاية ما السورة تخلص عشان اعرف السورة البعدها شنو ،او اعرف هي كانت سورة شنو؟ بقيت بفضل الله وكرمه علي بعرف اسم السورة قبل يتم القارئ الآية التانية !.


حياتي العجيبة دي غايتو علمتني درس هام للغاية :

" ما مهم زمان انا كنت شنو ولا مهم أنا هسي شنو ، المهم إني بحاول وباجاهد ، ومن يخلص النية لربنا ..حتمًا بصل يوم ❤️" .


@fadfadah98

www.tgoop.com/mhemd1223/15325

70 viewsTanzeel Saber ᰔ, Jul 16 at 03:23

-
#معاي_حكاية_تحب_تسمع❤️؟


بتحكي:

بقلب القنوات في الراديو عشان أجيب قناة للقرآن الكريم..

فـ اشتغلت فجأة قناة شغالة فيها غنية لـ نانسي عجاج" بلدًا هيلي أنا "

اتذكرت زمان إني كنت بسبب الدنيا وأجي عشان أسمع

لقيت نفسي مررت القناة عادي وابتسمت مع ترديد" سبحان مغير الأحوال"

بعدها سبحان الله أسمع ليك الصوت الما بيغباني😂 نااااااااسي الزمااااااان اتغيرررروووا لكني ما اتغيرت أنااااااا! !!! (مقطع من أغنية معروفة ليها)

وبرضو لقيت نفسي مررت القناة بدون أدنى تردد بل بدون ما يكون عندي رغبة أصلًا أسمعها.

فسبحان الله اتذكرت زماان لما كنت ماشة الجامعة وغشيت الدكان ولقيت الحوت شغال وبادي يدوب نفس الأغنية الفاتت ،وكانت عندها مكانة كبيرة شديد جواي

اتذكرت كيف إني فضلت واقفة لغاية ما الأغنية خلصت واشتريت الدكان كله وخلصت قروشي بدون ما أشعر عشان أسمعها بس😂

واتذكرت لما كان عندي كمية كبيرة من أغاني الحوت وأبو السيد والتومات ونانسي عجاج وكاظم وشيرين وهاني شاكر 🙊😂

وكيف لما كانت تجي سورة البقرة أو يوسف أثناء ما انا بسمع بتضايق وسريع سريع أقفل السورة واواصل سماع الأغاني عادي .

ولما ضميري يشغلها لي وإنه كيف تقفلي السورة؟ بلاقي نفسي بفتش أعذار و بقول :" دا ما مقام السورة ما مقامها إنها تشتغل وسط الأغاني"

وبـ كدا بلاقي نفسي اعترفت بيني بين نفسي إني استبدلت الذي هو أدنى بالذي هو خير


اتذكرت بعدها لما بديت أقرب من القرآن ومسحت الأغاني كلها بس لما نفسي تغلبني افتح يوتيوب اسمع وتاني أقوم أقرأ سورة عشان أطهر قلبي وكيف كانت معاناة وجهاد مرهق شدييييييييييد

اتذكرت لما خلاص بقيت حتى لو فتحت أغنية في يوتيوب قلبي يوجعني ويومي كله يبوظ وقررت تاني ما أسمع خالص خالص وأجي أسمع اغنية أنا بحبها في المواصلات أثناء ما أنا بصلي على النبي أو بقرأ سورة البقرة فلا أعرف اسمعها ولا أعرف أواصل في السورة أو الذكر واتذكرت لما حبيت أبدا قيام الليل في الثلث الأخير وكيف كنت بفضل اسمع أغاني عشان أفضل صاحية للثلث الاخير عشان أقيم الليل بالبقرة وكيف كنت بحس إني منافقة مذبذبة بين ذلك لا إلى هؤلاء ولا إلى هؤلاء 💔

اتذكرت بعدها لما ربنا بعد الجهاد دا كله أكرمني بالقرآن وكمية الراحة الوجدتها فيه وكمية الأنس والمتعة والخير الكتير

اتذكرت لما بقت حتى الأناشيد وأغاني السيرة بالدلوكة أصبحت لا تسوى عندي لذة إكمال آية مع القارئ في الراديو.❤️

ولما ما أعرف اسم السورة أقعد اسيب شغلي كله - زي ما كنت بعمل زمان مع الأغاني - عشان أعرف بس دي سورة شنو الكانت شغالة .

اتذكرت بعدها كيف أصعب أيام حياتي في السنة دي كانت مع القرآن لم هجرت بيتنا بسبب الحرب وسبت أهلي واتحملت مسؤولية أكبر مني ،ولم مرضت بعيد عن اهلي وعشت ايام لا يمكن وصفها ، وطلعت بعدها وأنا لا أطيق الساعة عندي تمر بدون قرآن.

حتى حديث البشر وحكاياتهم لو ما دخل فيها القرآن بشعر بالملل


الأغنية الكانت شغالة في الراديو طلعت منها عاادي ، اللهم بارك الراديو شغال عندي أصلاً 24 ساعة، مرات قرآن، مرات بسمع برامج متنوعة اشغل بيها نفسي .

وبدل ما كنت انتظر لغاية ما السورة تخلص عشان اعرف السورة البعدها شنو ،او اعرف هي كانت سورة شنو؟ بقيت بفضل الله وكرمه علي بعرف اسم السورة قبل يتم القارئ الآية التانية !.


حياتي العجيبة دي غايتو علمتني درس هام للغاية :

" ما مهم زمان انا كنت شنو ولا مهم أنا هسي شنو ، المهم إني بحاول وباجاهد ، ومن يخلص النية لربنا ..حتمًا بصل يوم ❤️" .


@fadfadah98

BY هدوء 😌😌