tgoop.com/malkafb/5500
Last Update:
#بوصلة_حياة_الزوجات 2⃣
💎القاعدة الأولى في التغيير 💎
نفسك زوجك يتغيَّر؟
زوجك مش هيتغير إلا لمَّا....🤔🤔 هنعرف حالا لما ايه بس الأول قولي لي:
يا ترى أنت متضايقة من زوجك؟😡😡
تعبك في حياتك؟😭😭
حاسة إنك بتبذلي جهود كبيرة على الفاضي؟😰😰
تعبتِ وحاسة إنك بتدوري في دايرة مفرغة؟😱😱
عمالة تجاهدي عشان تغيريه ومش بيتغير؟😏😏
لو بيحصل معاك حاجة من دي خليني أسألك سؤال وجاوبي نفسك بصراحة:
ليه ما حاولتيش أنت تغيري نفسك الأول؟🤔🤔
يقول الله عز وجل:
"إن الله لا يغير ما بقوم حتى يغيروا ما بأنفسهم"
على فكرة أنت مش كاملة أنت كمان عندك أخطاء 😱😱
وصدقيني أول خطوة لتغيير زوجك إنك تشوفي بعض الأخطاء اللي بتعمليها وتتخلصي منها فورا.
🌟اعملي اللي عليك، واعمليه صح ✅ وربنا مش هيضيع جهدك إن شاء الله.
افتكري أول قاعدة في التغيير 👇
التغيير الحقيقي يبدأ منك أنت
ابدئي بنفسك💪🏻
خليكِ امرأة ردار🧐🧐
يا ترى مين هي المرأة الردار؟🤔🤔
🌟ببساطة كده الردار اختراع رائع بيتم من خلاله الكشف على السيارات🚖🚘 اللي بتزيد سرعتها عن المعدل المسموح بيه، وبالتالي بيتم عمل مخالفة لسائق السيارة دي✖️✖️
🌟المرأة الردار مصطلح هياخدنا في رحلة عميقة لنوعية من النساء بيحبها الرجل جدا لإنها ببساطة بتمسك أي مخالفات عندها تدمر الحياة الزوجية وبتبدأ في إصلاحها من نفسها.
🌟لو قدرتِ تتغيري وتكوني امرأة ردار أعدك بإذن الله جزء كبير من مشاكلك مع زوجك هتتحل بعون الله.
بس افتكري دايما إن المرأة الردار مش ردار على زوجها ابدا 😬😬
يعني مش قاعدة تحسب تجاوزات وأخطاء زوجها وتعمله مخالفات وتشعره بأخطائه.
طبعا الزوج عنده أخطاء ولكن لإننا هنا قلنا إن القاعدة الأولى في التغيير إن أحنا اللي نتغير فهي واقفة بالردار لنفسها وبس🚫
تعالي نشوف أيه الأخطاء اللي ممكن تعملها الزوجة العادية واللي المفترض المرأة الردار تنتبه ليها وتتجنبها تماما🏃🏃
📌أولا: المرأة الردار عندها جهاز اكتشاف دقيق لرواسب الطفولة ورواسب الحياة مع أسرتها قبل الزواج.
بتشوف أيه العيب اللي ممكن تكون اكتسبته بالمعايشة من مامتها أو باباها وبتعمل مع نفسها وقفة قوية وتتخلص منه عشان متتحولش مع الوقت لإسفنجة سوداء.
المرأة الردار لا يمكن ابدا تكون اسفنجة سوداء لإن
الإسفنجة السوداء مشكلة بتؤرق بيوت كتير جدا جدا😥😥
وبتدمر أسر😭😭😭
وبتهدم الحب بين الزوجين أحيانا 💔💔💔
الإسفنجة السوداء بتوصل العلاقة أحيانا بين الزوجين لطلاق روحي🤐، وربما طلاق فعلي للأسف 😰😰
أيه هي حكاية الإسفنجة السوداء؟🤔🤔
ارجعي بذاكرتك🧠 للسنوات السابقة وانت في بيت أهلك وأنت طفلة👩👧
يا ترى أيه أكتر صفة سيئة كانت في ماما أو بابا؟✖️✖️✖️
يا ترى اكتسبتِ الصفة دي وتشربتيها من غير ما تشعري زي الإسفنجة ما بتتشرب السوايل؟🌧🌧
يا ترى اصبحتِ زي الإسفنجة اللي مع الوقت أصبحت سوداء و امتلأت بالتلوث، فأصبحت منفرة للي بيتعامل معاها، وأصبحت وسيلة لنقل الأمراض؟🤮🤮
للأسف الأسفنجة لما بتوصل لمرحلة السواد بيكون مصيرها الرمي والاستبدال
ونرجع نشتكي ونقول ليه الزوج تزوج عليا؟!😭😭
ليه عرف واحدة تانية عليا😱😱
ليه الزوج استبدل الجلوس معايا بالجلوس على النت؟👨💻
أوالجلوس لوحده👨💼
أوالجلوس مع صحابه أوالجلوس في العمل لوقت طويل؟!👨⚕
عارفه ليه؟
ببساطة لإنك أصبحت اسفنجة سوداء مبتنقليش لزوجك غير وجع القلب والنفور.
تعالي نشوف أمثلة عملية للإسفنجة السوداء في البوستات القادمة وإزاي نحل الأزمة دي.
ملحوظة
كتيىر من بوستات الكورس ده هتنفع بعض الأزواج الرجال
رضا الجنيدي
#الحياة_الزوجية
#دورة_بوصلة_حياة_الزوجات
✍ كلنا راحلون ويبقى الأثر.. فلنترك أثرا قبل الرحيل.
https://whatsapp.com/channel/0029Va9waNILtOjBtW73vh1F
BY ملكه👑في بيت🏡زوجها🤵
Share with your friend now:
tgoop.com/malkafb/5500