ملكه👑في بيت🏡زوجها🤵

كان ياما كان ولا يحلى الكلام الا بذكر الله ثم الصلاة على رسول الله
صلى الله عليه وسلم

زمان زمان كان في ٢٢ اخ، عندهم ارررض كبيييييرة، الارض دي كانت مليانة خير كتير اوي، كانت مليان خضار وفاكهة ودهب ونحاس، وفلوس كتير كتير، كان الاخوات دول كل واحد فيهم مسؤل عن جزء معين من الارض دي، مكنش في حاجة اسمها ارض بتاعة حد، كانت بتاعتهم كلهم، بس المسؤلية كانت  متوزعة عليهم.

الاخوات دول كان باباهم قوي اوي وكانوا بيسمعوا كلامه، وهم كانوا اقوياء زيه، كان عندهم كمان جيش كبير يحميهم ويحمي ارضهم والكنوز اللي عندهم، بس طبعا لازم يكون في شر، لان الدنيا كدة، الشر يتخانق مع الخير.

فالناس الاشرار كانوا متضايقين اوي من الاخوات دي، كان كل اما يحاولوا يضايقوا واحد فيهم، باباهم يسرعة يقولهم اجروا الحقوا اخوكم، وفي ساعتها يلاقي ال 22 اخ فمبيقدرش عليهم وبيخسر طبعا.

كل مرة يحصل نفس الموضوع، يروحوا يضايقوا واحد منهم ويغلسوا عليه، ويحاولوا بالعافية يدخلوا الارض الكبيرة بتاعتهم من الناحية دي، بس بسرعة في ثواني باباهم يبعت باقي اخواته يدافعوا عن اخوهم وعن ارضهم. لان كان المهم عندهم ان مفيش اشرار يدخلوا الارض ابدا من اي مدخل فيها من المداخل ال22.

وتعدي سنة ورا سنة والاشرار مصممين، عندهم طمع كبير في الكنوز اللي موجودة في الارض دي، ووصلوا لفكرة ان طول ما الاخوات دي بتحب بعض كدة وبيسمعوا كلام باباهم عمرنا ما هنعرف نسرق ارضهم.

طب والحل؟!

الحل اننا نخليهم يكرهوا باباهم، وميحبوش يسمعوا كلامه، ونقنع كل واحد فيهم انه كبير وقوي كفاية مش محتاج ابوه ولا اخواته في حاجة، الموضوع هيحتاج صبر وسنين طويلة، بس في الاخر هيجيب نتيجة

وبالفعل ابتدت الاشرار دي تروح لكل اخ لوحده وتقوله انت قوي وابوك دا ظالم، وليه تسمع كلامه يعني، دا ابوك مبهدلكم معاه في خناقات طول الوقت، كفاية كدة، وسنة ورا سنة الاخوات بدات تصدق الكلام دا، وبدات تحس انه فعلا خلاص احنا كبرنا ومش محتاجين ابونا ولا اخواتنا، احنا هنعرف نتصرف لوحدنا.

وبالفعل جيه الوقت اللي الاب خلاص مات ومبقاش موجود، والاشرار جت بنفسها قسمت الارض بين الاخوات، والاخ بقى يشوف ارض اخوه بتتحرق وميتحركش من مكانه، يشوف ارض اخوه بتتسرق، وبردوا ميتحركش من مكانه. لان فاكر ان ارضه في امان، وخايف يروح يساعد اخوه فارضه تتسرق منه، وهو يا عيني مش عارف انه بقى ضعيف كدة علشان اتفرق عن اخواته، وانه لو فعلا عايز يحافظ على ارضه ويبقى قوي، يرجع يصالح اخواته ويتجمعوا كلهم تاني وتبقى ارض واحدة وجيش واحد وقوة واحدة عظيمة

وهنقف هنا النهاردة وهستنى منكم تحكولي رايكم ايه في الاب وفي الاخوات وتصرفهم وفي الاشرار

وازاي نساعد الاخوات دول يرجعوا اقوياء تاني

واقابلكم الحلقة الجاية

#طوفان_الاقصى
#فلسطين_قضيتي
#فلسطين_عقيدة_مش_مجرد_ارض
#الحلقة١

❤1

www.tgoop.com/malkafb/5478

317 viewsOct 31, 2023 at 20:01

كان ياما كان ولا يحلى الكلام الا بذكر الله ثم الصلاة على رسول الله
صلى الله عليه وسلم

زمان زمان كان في ٢٢ اخ، عندهم ارررض كبيييييرة، الارض دي كانت مليانة خير كتير اوي، كانت مليان خضار وفاكهة ودهب ونحاس، وفلوس كتير كتير، كان الاخوات دول كل واحد فيهم مسؤل عن جزء معين من الارض دي، مكنش في حاجة اسمها ارض بتاعة حد، كانت بتاعتهم كلهم، بس المسؤلية كانت  متوزعة عليهم.

الاخوات دول كان باباهم قوي اوي وكانوا بيسمعوا كلامه، وهم كانوا اقوياء زيه، كان عندهم كمان جيش كبير يحميهم ويحمي ارضهم والكنوز اللي عندهم، بس طبعا لازم يكون في شر، لان الدنيا كدة، الشر يتخانق مع الخير.

فالناس الاشرار كانوا متضايقين اوي من الاخوات دي، كان كل اما يحاولوا يضايقوا واحد فيهم، باباهم يسرعة يقولهم اجروا الحقوا اخوكم، وفي ساعتها يلاقي ال 22 اخ فمبيقدرش عليهم وبيخسر طبعا.

كل مرة يحصل نفس الموضوع، يروحوا يضايقوا واحد منهم ويغلسوا عليه، ويحاولوا بالعافية يدخلوا الارض الكبيرة بتاعتهم من الناحية دي، بس بسرعة في ثواني باباهم يبعت باقي اخواته يدافعوا عن اخوهم وعن ارضهم. لان كان المهم عندهم ان مفيش اشرار يدخلوا الارض ابدا من اي مدخل فيها من المداخل ال22.

وتعدي سنة ورا سنة والاشرار مصممين، عندهم طمع كبير في الكنوز اللي موجودة في الارض دي، ووصلوا لفكرة ان طول ما الاخوات دي بتحب بعض كدة وبيسمعوا كلام باباهم عمرنا ما هنعرف نسرق ارضهم.

طب والحل؟!

الحل اننا نخليهم يكرهوا باباهم، وميحبوش يسمعوا كلامه، ونقنع كل واحد فيهم انه كبير وقوي كفاية مش محتاج ابوه ولا اخواته في حاجة، الموضوع هيحتاج صبر وسنين طويلة، بس في الاخر هيجيب نتيجة

وبالفعل ابتدت الاشرار دي تروح لكل اخ لوحده وتقوله انت قوي وابوك دا ظالم، وليه تسمع كلامه يعني، دا ابوك مبهدلكم معاه في خناقات طول الوقت، كفاية كدة، وسنة ورا سنة الاخوات بدات تصدق الكلام دا، وبدات تحس انه فعلا خلاص احنا كبرنا ومش محتاجين ابونا ولا اخواتنا، احنا هنعرف نتصرف لوحدنا.

وبالفعل جيه الوقت اللي الاب خلاص مات ومبقاش موجود، والاشرار جت بنفسها قسمت الارض بين الاخوات، والاخ بقى يشوف ارض اخوه بتتحرق وميتحركش من مكانه، يشوف ارض اخوه بتتسرق، وبردوا ميتحركش من مكانه. لان فاكر ان ارضه في امان، وخايف يروح يساعد اخوه فارضه تتسرق منه، وهو يا عيني مش عارف انه بقى ضعيف كدة علشان اتفرق عن اخواته، وانه لو فعلا عايز يحافظ على ارضه ويبقى قوي، يرجع يصالح اخواته ويتجمعوا كلهم تاني وتبقى ارض واحدة وجيش واحد وقوة واحدة عظيمة

وهنقف هنا النهاردة وهستنى منكم تحكولي رايكم ايه في الاب وفي الاخوات وتصرفهم وفي الاشرار

وازاي نساعد الاخوات دول يرجعوا اقوياء تاني

واقابلكم الحلقة الجاية

#طوفان_الاقصى
#فلسطين_قضيتي
#فلسطين_عقيدة_مش_مجرد_ارض
#الحلقة١

BY ملكه👑في بيت🏡زوجها🤵