ملكه👑في بيت🏡زوجها🤵

👭 نحو تربية صالحة 👬:
اوعي تفرحي لو بنتك بتعمل كده..
=================

بتزعقي لبنتك و بتلاقيها فورا اعتذرت لك من غير حتى ما تعرف هي غلطت في إيه؟.. بتسألك كل شوية انتي زعلانة مني؟.. لازقة فيكي على طول؟؟..

لأول وهلة ممكن الناس تفتكر إن دي حاجة كويسة، و كمان تقول للأم يا بختك بنتك بتحبك و لازقة فيكي طول الوقت .. حد يطول؟ انتي بتتبطري على نعمة ربنا..

تفسير بعض الأمهات للموضوع ده، ان بنتها مؤدبة و إنها عرفت تربي..

أحب أقولك إنك لازم تقلقي لو بنتك بتعمل كده كتير⚡️.. .

تقلقي علشان ده هيبقى أسلوب حياتها مع كل الناس مش بس معاكي.. تقلقي علشان ده مش بر بيكي، ده ليه تفسيرات تانية خالص.. وبعد شوية هتلاقيها منقادة لصحابها من غير تفكير و فاقدة تماما لهويتها و شخصيتها..

شعرة بسيطة جدا بتفصل بين البر و الذوق وبين إرضاء الناس على حساب نفسنا..

إن بنتك تسمع الكلام من غير مناقشة.. إنها تبقى مبتفاصلش كتير و تجادل.. إنها تبقى مش واثقة في نفسها.. كل دي علامات انها هتبقى people pleaser.. يعني بتسعى دايما لإرضاء كل الناس على حساب نفسها..

مثال1: بنتك بتوافق على كل حاجة بتقوليها من غير اعتراضات كتير، الأكل، الشرب، اللبس،.. يعني من الآخر طفلة مريحة مبتحسيش بتربيتها ( و علشان بس ملاقيش تعليق إنه أنا كنت كده و طلعت زي الفل، هقولك أوكي ربنا حفظك الحمد لله)..

مثال 2: دايما بتوريكي الحاجات اللي بتعملها و مبتمشيش إلا لما تاخد مدح جامد ( هتقوليلي كل الأطفال بيحبوا ده، هقولكم ان فيه شعرة بين الاتنين، لو لقيتيها بتعمل كده أحيانا يبقى تمام، لكن لو كتير يبقى حاجة تقلق).

مثال3: لو لقيتي موقف قدامك المفروض إنه يضايقها و سألتيها لو اتضايقت وقالتلك عادي مزعلتش..

بنتك ممكن متبقاش نفسها الحقيقية her true self علشان تتجنب مواقف معينة، زي الزعيق، اللوم و التأنيب، التعليمات الكتير، التبريق ، التريقة ، نبرة الصوت التهديدية.. و خصوصا لو كل ده بييجي فجأة ..

فيه حاجة مهمة جدا كتير من الأمهات هيسألوا فيها، "أنا مش بنتقد ولا بزعق كتير".. العادي يعني.. صحيح انتي ممكن متكونيش بتنتقدي كتير أو بتزعقي كتير لكن بتعرضي بنتك للسخن و الساقع فجأة.. في لحظة بتكوني الأم الحنونة اللي بتظهري الحب لبنتك و في لحظة تانية و فجأة و بدون مقدمات بتبعدي أو بتبقي عصبية أو بتتقلبي الرجل الأخضر 😅 .. و ده بيكون راجع لضغوطات الحياة اليومية أو لانشغالك الشديد بشغلك أو لعدم استقرار جوازك،....

في البيوت الغير آمنة اللي فيها ثورات زيادة عن اللزوم، و خناقات فجائية، و تأنيب كتير، بنتك هتبقى عايزة تتأكد في كل لحظة إنها في أمان.. و هي بتبقى عايزة تتجنب المفاجآت اللي من النوع ده.. فتعمل إيه؟؟ تلزق فيكي.. كل شوية تسألك علشان تتأكد انكم أوكي مع بعض ، بتبصلك طول الوقت، ...

ال people pleaser بينشأ من المحاولات المستميتة إنها ترضي أهلها علشان خايفة أو قلقانة أو متوترة.. و دي الطريقة الوحيدة اللي ممكن تحس بيها بالأمان..

و هنا تيجي النقطة الأخطر 😩 .. علشان بنتك تحس بالأمان، هتبتدي تربط سعادتك أو تعاستك بنفسها.. ف هتعتبر نفسها دايما مسؤولة عن إسعادك بأي شكل و هيبقى كل تركيزها على تجنب ثوراتك ف هتمشي على الصراط المستقيم و لكن للأسف مؤقتا أو قدامك بس.. و اللي ربنا بيحفظهم و يفضلوا يسمعوا الكلام طول الوقت فعلا بتبقى حياتهم كرب شديد لأنهم خلاص اتعودوا على انهم يرضوا كل اللي حواليهم على حساب نفسهم و بيبقى عندهم كم كبير جدا من المشاعر الغير مريحة..

و بردو، فكرة إنه لازم تبقى بنتك هي الطفلة الكيوت اللي كل المدرسين بيحبوها علشان هي بتسمع الكلام طول الوقت و مبتعترضش أبدا على أي حاجة، ده شيء مش طبيعي.. ده معناه إنها مش قادرة تعبر عن نفسها لأنه أكيد مش كل حاجة بتبقى عاجباها..

لو لقيتي سلوك بنتك في أغلب الأحيان بيعتمد على إرضاء الآخرين على حسابها، اعرفي ان ده الوقت اللي لازم تبتدي تغيري طريقتك معاها لأن سيطرتك عليها بقت عالية حتى لو انتي مش شايفة ده..

🌟دي سبع صفات للطفلة المنقادة أو ال people pleaser :

1. بتخاف من الرفض أو التخلي..

2. أهم حاجة عندها الناس شايفاها ازاي؟..

3. في علاقات الصداقة أو الحب، بيدوا أكتر ما بياخدوا..

4. إحساس زائد بالمسؤولية عن كل اللي بيحصل حواليها..

5. إهمال احتياجاتها الخاصة..

6. قلة احترام الذات..

7. الخناق و الجدال بيتعبها..

❓❓تعملي إيه علشان بنتك متبقاش منقادة أو people pleaser؟..

1. علميها إنها تتبع حدسها أو to follow her heart.. بإنك دايما تسأليها حسيتي بإيه لما الموقف ده حصل؟ ..

2. علميها إزاي تختلف مع الآخرين بلباقة و تعلم ازاي المناقشة البناءة بتدار.. بإنك تبقي قدوتها في ده أولا و تعملوا سوا role play وهي تتدرب معاكي على الردود اللي متجيبش مشاكل و تاخد حقها بيها..

3. علميها الاستقلالية.. بإنها تاخد قراراتها بنفسها حتى لو مكانتش القرارات دي أحسن ح

www.tgoop.com/malkafb/1118

968 viewsDec 1, 2020 at 09:31

👭 نحو تربية صالحة 👬:
اوعي تفرحي لو بنتك بتعمل كده..
=================

بتزعقي لبنتك و بتلاقيها فورا اعتذرت لك من غير حتى ما تعرف هي غلطت في إيه؟.. بتسألك كل شوية انتي زعلانة مني؟.. لازقة فيكي على طول؟؟..

لأول وهلة ممكن الناس تفتكر إن دي حاجة كويسة، و كمان تقول للأم يا بختك بنتك بتحبك و لازقة فيكي طول الوقت .. حد يطول؟ انتي بتتبطري على نعمة ربنا..

تفسير بعض الأمهات للموضوع ده، ان بنتها مؤدبة و إنها عرفت تربي..

أحب أقولك إنك لازم تقلقي لو بنتك بتعمل كده كتير⚡️.. .

تقلقي علشان ده هيبقى أسلوب حياتها مع كل الناس مش بس معاكي.. تقلقي علشان ده مش بر بيكي، ده ليه تفسيرات تانية خالص.. وبعد شوية هتلاقيها منقادة لصحابها من غير تفكير و فاقدة تماما لهويتها و شخصيتها..

شعرة بسيطة جدا بتفصل بين البر و الذوق وبين إرضاء الناس على حساب نفسنا..

إن بنتك تسمع الكلام من غير مناقشة.. إنها تبقى مبتفاصلش كتير و تجادل.. إنها تبقى مش واثقة في نفسها.. كل دي علامات انها هتبقى people pleaser.. يعني بتسعى دايما لإرضاء كل الناس على حساب نفسها..

مثال1: بنتك بتوافق على كل حاجة بتقوليها من غير اعتراضات كتير، الأكل، الشرب، اللبس،.. يعني من الآخر طفلة مريحة مبتحسيش بتربيتها ( و علشان بس ملاقيش تعليق إنه أنا كنت كده و طلعت زي الفل، هقولك أوكي ربنا حفظك الحمد لله)..

مثال 2: دايما بتوريكي الحاجات اللي بتعملها و مبتمشيش إلا لما تاخد مدح جامد ( هتقوليلي كل الأطفال بيحبوا ده، هقولكم ان فيه شعرة بين الاتنين، لو لقيتيها بتعمل كده أحيانا يبقى تمام، لكن لو كتير يبقى حاجة تقلق).

مثال3: لو لقيتي موقف قدامك المفروض إنه يضايقها و سألتيها لو اتضايقت وقالتلك عادي مزعلتش..

بنتك ممكن متبقاش نفسها الحقيقية her true self علشان تتجنب مواقف معينة، زي الزعيق، اللوم و التأنيب، التعليمات الكتير، التبريق ، التريقة ، نبرة الصوت التهديدية.. و خصوصا لو كل ده بييجي فجأة ..

فيه حاجة مهمة جدا كتير من الأمهات هيسألوا فيها، "أنا مش بنتقد ولا بزعق كتير".. العادي يعني.. صحيح انتي ممكن متكونيش بتنتقدي كتير أو بتزعقي كتير لكن بتعرضي بنتك للسخن و الساقع فجأة.. في لحظة بتكوني الأم الحنونة اللي بتظهري الحب لبنتك و في لحظة تانية و فجأة و بدون مقدمات بتبعدي أو بتبقي عصبية أو بتتقلبي الرجل الأخضر 😅 .. و ده بيكون راجع لضغوطات الحياة اليومية أو لانشغالك الشديد بشغلك أو لعدم استقرار جوازك،....

في البيوت الغير آمنة اللي فيها ثورات زيادة عن اللزوم، و خناقات فجائية، و تأنيب كتير، بنتك هتبقى عايزة تتأكد في كل لحظة إنها في أمان.. و هي بتبقى عايزة تتجنب المفاجآت اللي من النوع ده.. فتعمل إيه؟؟ تلزق فيكي.. كل شوية تسألك علشان تتأكد انكم أوكي مع بعض ، بتبصلك طول الوقت، ...

ال people pleaser بينشأ من المحاولات المستميتة إنها ترضي أهلها علشان خايفة أو قلقانة أو متوترة.. و دي الطريقة الوحيدة اللي ممكن تحس بيها بالأمان..

و هنا تيجي النقطة الأخطر 😩 .. علشان بنتك تحس بالأمان، هتبتدي تربط سعادتك أو تعاستك بنفسها.. ف هتعتبر نفسها دايما مسؤولة عن إسعادك بأي شكل و هيبقى كل تركيزها على تجنب ثوراتك ف هتمشي على الصراط المستقيم و لكن للأسف مؤقتا أو قدامك بس.. و اللي ربنا بيحفظهم و يفضلوا يسمعوا الكلام طول الوقت فعلا بتبقى حياتهم كرب شديد لأنهم خلاص اتعودوا على انهم يرضوا كل اللي حواليهم على حساب نفسهم و بيبقى عندهم كم كبير جدا من المشاعر الغير مريحة..

و بردو، فكرة إنه لازم تبقى بنتك هي الطفلة الكيوت اللي كل المدرسين بيحبوها علشان هي بتسمع الكلام طول الوقت و مبتعترضش أبدا على أي حاجة، ده شيء مش طبيعي.. ده معناه إنها مش قادرة تعبر عن نفسها لأنه أكيد مش كل حاجة بتبقى عاجباها..

لو لقيتي سلوك بنتك في أغلب الأحيان بيعتمد على إرضاء الآخرين على حسابها، اعرفي ان ده الوقت اللي لازم تبتدي تغيري طريقتك معاها لأن سيطرتك عليها بقت عالية حتى لو انتي مش شايفة ده..

🌟دي سبع صفات للطفلة المنقادة أو ال people pleaser :

1. بتخاف من الرفض أو التخلي..

2. أهم حاجة عندها الناس شايفاها ازاي؟..

3. في علاقات الصداقة أو الحب، بيدوا أكتر ما بياخدوا..

4. إحساس زائد بالمسؤولية عن كل اللي بيحصل حواليها..

5. إهمال احتياجاتها الخاصة..

6. قلة احترام الذات..

7. الخناق و الجدال بيتعبها..

❓❓تعملي إيه علشان بنتك متبقاش منقادة أو people pleaser؟..

1. علميها إنها تتبع حدسها أو to follow her heart.. بإنك دايما تسأليها حسيتي بإيه لما الموقف ده حصل؟ ..

2. علميها إزاي تختلف مع الآخرين بلباقة و تعلم ازاي المناقشة البناءة بتدار.. بإنك تبقي قدوتها في ده أولا و تعملوا سوا role play وهي تتدرب معاكي على الردود اللي متجيبش مشاكل و تاخد حقها بيها..

3. علميها الاستقلالية.. بإنها تاخد قراراتها بنفسها حتى لو مكانتش القرارات دي أحسن ح

BY ملكه👑في بيت🏡زوجها🤵