tgoop.com/m_o_o_8_5/10266
Last Update:
به نام خدا
( یا باقرالعلوم ع)
اهل صفانون عزّتی یا باقرالعلوم
فوق بشر جلالتی یا باقرالعوم
ای خوان علمینه علما ریزه خوار اولان
حکمت دروسی صبح و مسا برقرار اولان
زرّین حدیثی اهل دله یادگار اولان
حکمی کتاب زینتی یا باقرالعلوم
ای علم و حلم و معرفتی الگو عالمه
صبر ایلین جفا و جنایات مظلمه
تاب ایلین هموم و کروباتیله غمه
اولموش شرنگ شربتی یا باقرالعلوم
آخر نه ایلموشدون ایا شاه تاجدار
مین حیله ئیله ووردی عدو قلبوه شرار
مسموم زینه ایلدیلر مکریله سوار
درک ایلدون حرارتی یا باقرالعلوم
تأثیر ائدوبی زهر سنی ائتدی بستری
آرتدی یارالی قلبوین هر لحظه آذری
تنگه دوشوب نفس گلیب آلنا ئولوم تری
حقّین یتشدی دعوتی یا باقرالعلوم
ئوز اوغلووا وصیّتوی ایلدین بیان
دردیم دئدین گرک اولا درد اهلینه عیان
اون ایل منه مناده دئدین اولسون آغلیان
وار بو سوزون کتابتی یا باقرالعلوم
تغسیل و کفن و دفنوه جمع اولدی شیعیان
قبره قویوبلا پیکریوی زار خون چکان
خون جگر عذاره روان ائتدی عاشقان
وار بو غمین مرارتی یا باقرالعلوم
افسوس حسینی دفن ائلیه بیر کس اولمادی
هر قدری ظلم اولوندی ، دئیلدی بس اولمادی
زینب نقدری سسلدی کسدن سس اولمادی
درک ائتدیلر اسارتی یا باقرالعلوم
پوزقوندی گوردی قارداشینین قانلی پیکری
وا غربتا دئیوب اوجالیب باشدان اللری
سسلندی داده جدّ کباری پیمبری
آغلاتدی قان او حضرتی یا باقرالعلوم
🌴محمد هدایت
🌴🌴
BY 🌴 پاتوق اشعار رفقا و دوستان🌴
Share with your friend now:
tgoop.com/m_o_o_8_5/10266