tgoop.com/loukman001/103433
Last Update:
😂😂يوميات مواطن مبسوووط 😂😂
ٰ
برمضان الماضي حماتي عملت كروب عالفيس
للكناين والأصهرة والعيلة 😄
دخيل الله مابتقدر إلا ما تكون الأدمن
بكل شي .. بالبيت وبالنت😏
انا فورا" بلشت حركات الدهلزة
وبلشت صور باقات ورود وشكرا"
على إضافتي عالكروب يا اغلى ماما😍😍
وسلفاتي المكولكين بلشو على نفس المسيرة 😁
كل شوي حماتي تنزل طبخة وسفرة رمضان ..
انا كون من أول المولكين والمعلقين ..
مشان كون الكنة المميزة ويلي بتحب حماتها وعلقلا :
لك دخيل الله حماتي وطبخاتها يلي طيبين متل قلبها😍))
بعد شوي حطت صورة عمي (( أبو جوزي)) لابس جلابية بيضا ..
كتبت : الحجي رايح عالجامع يصلي تراويح ادعوله 👴
انا كالعادة فورا" علقت وكتبت : (( ماشاء الله لباس التقى الله يديمك فوق راسنا ياعمو))😍
بعد ساعة نزلت صورة وولاد بناتها ...
كتبت : الله يخليلي الملائكة 👼
انا كمان فورا نطيت وعلقت (( يقبشوني ما اطيبهون دخيل هالامامير بدي اكلهون 😍))
رن التلفون الأرضي عندي☎☏ .. الو .. 📞
طلعت سلفتي .. هي روح قلبها الشلي ع أمة الله 😁
ابني صار يبكي بدو الجوال مشان مخمخ بالحكي معها عطيتو ياه 📱
قالتلي شو رئيك بحماتك يلي عاملة زعيم🤔 ؟؟
قلتلها: تركيها اخر أيامها يمكن جنت 😁
ما شفتي كيف مبلشة تحط طبخات ومفكرة حالها شيف رمزي ... حشاة الدكر مابتعرف
تطبخ ..الملوخية مخمطة والرز مبين عليه مرزرز .. علي الحلال مابتعرف تقلي بيضة 😂😂
ولا الحجي قال عالتراويح .. .. ياخ فرطت ضحك عليه شكلو بالجلابية البيضا متل البرغوت يلي وقع بسطل لبن 😂😂
ولا ولاد بنتها العقربة 😂 قال ملائكة قال ...
علي الطرباش متل القرود طالعين 😂😂
فجأة سمعت صوت مفتاتيح البيت واحد ملهوج ماعارف يفتح الباب 😨
طلع جوزي فايت بأيدو بطيخة ..
بس وجهو ملخبط ... قلي لك وينوووو ؟؟???
وينوووو؟؟????
قلتلو مين ؟؟ قلي جوالك وينووووو؟؟
قلتلو مع ابنك ليكو؟؟
قلي : الله يسود وجهك متل ما سودتي وجهي
ابنك ياخانم فايت عالكروب تبع امي
وفاتح البث المباشر وكل حكيك عالهاتف
كان مباشر قدام سمع ومشاهدة الكبير والصغير 😱😱
قبل ما افتح تمي بكلمة طبش البطيخة على واجهتي وبنص راسي ... كسرلي 3 سنان ورضوض بالجمجمة ... وكلو كان بث مباشر 😭😭
وصرت احكي بدل السين ... الثين
الله لا يوفقك يامارك انتا وهالتحديث عالفيث 😭😂😂😂👌
مشاركه من
angel
😂😂😂😂
@loukman2025 ✍
https://www.tgoop.com/loukman001
🌀شــاركها من عنا وخلي الكــل👨👩👦👦يتهــناⓂ️
👉من هنا
BY يوميات مواطن مبسووووط
Share with your friend now:
tgoop.com/loukman001/103433