tgoop.com/loukman001/102618
Last Update:
😂😂يوميات مواطن مبسوووط 😂😂
اللهجة الحلبية
النص التالي مفهوم تماماً للحلبيين لكن ربما لو قرأه شخص غريب سيتسائل بأي لغة مكتوب ؟!!
الكلمات بين قوسين كلمات (سريانية) :
-قام يوسف ليلبس ، (بحبش عالتاسومة ) نص ساعة ، و ما لاقى غير (الاسكربينه ) ، (بعق ) لأمو : صاير منظري (هردبشت )، و (عبيتمقلسوا ) علي رفقاتي ، ما (عبتطسي ) منظري .
- قالتلو أمه : حاج (تنق )، (التوك ) منك ، مو من رفقاتك ، بدك ( تتبهنك و تتبهور و تجخ ) وانت لسا (تلميذ ) ، بقا لما تصير (زلمه ) اش بتساوي ، ( انجوق ) رفقاتك و حاج ( تكر و تتسهسك ) معون ، (الصوج ) علي عطيتك وج ، استنا شوي ( بلكي ) بنزل بسوم لك ( كلاش ) ، مفكر حالك (حربوق )، خرج تشتري لحالك ، (أشكرة) بيضحكوا عليك ،أصلا مبين عليك (طشم ، و تنح ) .
(ردحلا ) وقال : (اتاري ، عبتخيوزي ) بيني و بين اخواتي البنات ، هنن بس ، بتاخدين (تش و بتزوزقين ) ، (مرستقين ) حالكون مع بعض ، بدي اشكيك لأبوي .
- قالتلو : حاج (تأنكل )و (تفسفس ) لأبوك ،( اصطفل ) ، بدي اقولو عبتشرب (تتن ) ، و انو القصة (كيت كيت ) .
- قام ( تعشبق ) فيا ، و ( غبق ) ، و ( مجق ) ايدا ، و (شلح ) تيابه و ( زتون ، و تكمكر ) ، و قالا : دخيلك و الله ( بسرجلني ) .
😂😂😂😂
@loukman2025 ✍
https://www.tgoop.com/loukman001
🌀شــاركها من عنا وخلي الكــل👨👩👦👦يتهــناⓂ️
👉من هنا
BY يوميات مواطن مبسووووط
Share with your friend now:
tgoop.com/loukman001/102618