tgoop.com/loukman001/101190
Last Update:
😂😂يوميات مواطن مبسوووط 😂😂
ايام زمان كان الأب له نصيب الاسد بالبيت ، ولما صرت انا أب بطّل الي حتى نصيب الفقمة !!
مثلا نحكي عن الأكل !!
زمان أمي كانت تقول عالغداء "ما تاكلو هالقطعة اللحمة الكبيرة لأنها لأبوكم ... قطعة الجاج الكبيرة لأبوكم ... بدنا نطبخ فاصوليا لانو أبوكم بحبها ... ما تاكلو غير لما يجي أبوكم ..
الايام هااااااااي .. الواحد بيجي على البيت بلاقيهم اكلين ومخلصين ونايمين وباقي الأكل رجعوه عالطنجرة للكائن الطفيلي اللي جاي ياكل وراهم و بيكون تعبان و جاي من الشغل ، و فوق كل هادا المدام بتسألك بكل ثقة :
- بدك تاكل ؟! ..
- لأ أنا جاي أجلي الجليات و ناااام !!
و كمان بهاي الايام صارت تبين العنصرية ضد الأب بشكل واضح لما يكون الأكل دجاج، "الإجر للأولاد، والصدر للأولاد ، والسفن للأولاد، والجوانح للأولاد" ...
طيب الرقبة في حدا بدو هيه ولا فيني اكلها؟!
والطبخ اصبح يعتمد ع شو الأولاد بحبوا، وانت عجبك خير واذا ماعجبك مش مهم ، والحجة الدائمة " الأولاد ما بياكلوا أي شي... بس انت بتاكل اي شي" ..
اه صح ماانا اكل زفت بالشغل، اكل مطبات بالشارع، اكل مخالفات بالطرق ، اكل بهادل من مديري ، اكل خازوق هون و خازوق هونيك .. بجي شبعان اكيد وملي نفس ولازم ريح معدتي شوية ...
😂😂😂😂
@loukman2025 ✍
https://www.tgoop.com/loukman001
🌀شــاركها من عنا وخلي الكــل👨👩👦👦يتهــناⓂ️
👉من هنا
BY يوميات مواطن مبسووووط
Share with your friend now:
tgoop.com/loukman001/101190