tgoop.com/llhgad/3821
Last Update:
جآءني سؤال لطيف جِدًا على الخاص بعد البوست الأخير على الصفحة، اللي بحكي عن صدقة البسبوسة ..
قالت لي: كيف أعرف نفسي محتاجة للصدقة؟
- العنده قروش محتاج للصدقة
- المفلس محتاج للصدقة
- المعافى محتاج للصدقة
- المريض محتاج للصدقة
- الاموره تمام محتاج للصدقة
- الحياته ملخبطة محتاج للصدقة!
باختصار مافي حد ما محتاج للصدقة، إنت على طول في حال إنّك محتاج للصدقة، عشان الصدقات علاج ودواء..
الصدقات طب مِن نوع براهو ..
الصدقة دي منهج حياة لناس كتيرة، تسألهم عن أي نجاح أو انجاز في حياتهم حتلاقه بالصدقة!
فإنت على طول محتاج دي نثبتها ونتفق عليها، مهما كان وضعك، بغض النظر عن ظروفك، قدر ما تلقى عندك حاجة بتحبها اتصدق!
ماعندك ومفلس برضو اتصدق!
قبل فترة كان فيديو لواحد بحكي قال كان نفسه يمشي المدينة، فكان مفلس والموضوع كان صعب عليه مِن كذا ناحية، فبحكي قصة وصوله للمدينة بطريقة مدهشة شديد، تساهيل رهيبة، توفيق وتيسير اللهمَّ بارك ..
فباب دا قال ماكلن عنده حق التذكرة، فأوصاه شيخه أن يتصدق بماله!
فكانت أخر قروش عنده 6 ألف، اللي هو أقل مِن حق التذكرة بكتير، فقال: تصدق ب 3 وخلى عنده 3!!
فشاف اعلان لتذكرة للمدينة بعرض مُخفض بقيمة 3 ألف!!
كان مندهش ومستغرب عشان دا عرض مستحيل!!
لكن سبحان الملك ..
ممكن يكون ألهم الشركة دي تعمل العرض دا عشان بس الزول دا سبحان الله!
فالفكرة في إنّو الصدقة قرض تقرضه الله عز وجل، وهو الملك الغني، يعني شغل تجارة بينك وبين الله ..
وأي تجارة مع الله تبور؟! حاشا لله
تعامل مع الصدقة على إنّها تزكية وتطهير لقلبك، اجتهد في اخفائها ما استطعت، اسعى لإنّو حتى المعلوم مِنها يكون قليل، البتديهو ما تلتفت تعاين ليهو تاني حتلقاه قدام ..
الصدقة ترميم للعلاقة بينك وبين ربّنا ..
الصدقة نجاة في الدنيا والآخرة ..
الصدقة تأديب للنفس وتزكية وتطهير لها ..
الصدقة اصلاح للقلب مِن تعلقه بالدنيا واخراج حظ شهواته مِنها ..
فمَن مِنَّا غير محتاج لها؟
ودائمًا ماأقول :
مَن لَزِم الصدقاتِ نجا 🤎
والسلام! 🌹
#ترتيل_الخزين
BY للحجاب اهتديت💚✨
Share with your friend now:
tgoop.com/llhgad/3821