tgoop.com/llhgad/3404
Last Update:
صباح الخير جِدًا 🌹
أمَّا بعد ..
قبل يومين دعيت بعد صليت العشاء بحاجة وقاعدة منتظراها تحصل في باقي ليلها داك بس ماحصلت؟
أبطل؟
لا!
دعيت نهار اليوم التاني في الختمة!
وأنا في بالي حتحصل إن شاءالله المرة دي مافي اتنين تلاتة أصلو
فإذا به حصلت والله!
- أول أمبارح عندي حد عزيز علي شديد عنده مشكلة، فدعيت ربّنا يحلها ليهو وأنا عارفاها حتتحل بإذن الله، فاتصلت عليه الحصل شنو؟
قال لسه، ومش بس لسه لا والامور جاطت شديد واتعقدت أكتر ..
كلامو غير موقفي؟
يقيني زاد والله وقلت ربّنا حيفرحنا بعد تتعكس كده،واصلو ماخليت الدعاء، وقلت ليهو المووضوع دا منتهي حتتسهل حتتسهل أنا بدعي لك كتير!
اليوم بُشرت مِن الصباح بأنَّ حاجته قُضيت والحمدلله حمدًا كثيرًا طيبًا مباركًا فيه 🎀..
فالسؤال هو :
السر الرهيب في الدعاء المستجاب شنو؟
الدعاء أسراره كتيره، وفتوحاته رهيبة شديد لكن لو حنتفق على حاجة تكون رقم واحد فهي بالتأكيد اليقين يابُني!
- إنت بتسأل منو لما تدعي؟
الله❤️ ..
- طيب وقلبك بكون مع الله لما بتسأله؟!
بتكون مستحضر معيته وملكه وقدرته وسلطانه؟!
ولابتكون شايف الأسباب وماممكن ومستحيل!
- على قدر يقينك بالله وتوكله عليه ولجوءك واعتمادك، على قدر قلبك حال الدعاء وبعده، حتلقى حاجتك بتُقضى طالما الخير فيها، وعلى قدر رضاك بأقدار الله التانية وصبرك، حتلقى ربّنا بكرمك في قلبك وحتلقى اليقين دا حاجة سهلة بالنسبة لك ..
حاسي همتك أصلًا في الدعاء قلت؟
طيب اسمع ..
- كانَ اللهُ إذا بعثَ نبيًا،قال: ادعني استجب لك،وقال لهذة الأمّة ادعوني استجب لكم ❤️
- وكان ممن كان قبلنا مِن الأمم يفزعون إلى أنبيائهم في حوائجهم حتى يسألوا الله لهم!..
وأنت؟
بينك وبين سؤالِ الله توجهُ قلبك مخلصًا له، وتحريك شفتيك بحاجتك!! ..
ليسَ بينك وبينه وسيط!
وقد قال القرطبي :
( لقد قالَ علماؤنا ينبغي للمؤمنِ أن يجتهد في الدعاءِ ويكونَ على رجاءٍ مِن الإجابة، ولايقنط مِن رحمةِ الله لأنَّه يدعو كريما)! ❤️
وابن عاشور عنده جملة جميلة جِدًا في قول الله :
{ وإذا سألك عبادى عنّى فإنِّى قريب}
قال :
( تنبيهًا على أنَّ السؤالَ مفروضٌ غيرُ واقع مِنهم بالفعل، وفيه لطِيفة قرءانية، وهي إيهام أنَّ اللهَ تعالى تولى جوابهم عن سؤالهم بنفسهِ، إذ حذف في اللفظِ مايَدُلُّ على وَساطَةِ النبي صلى الله عليه وسلم تنبيهًا على شدةِ قُرب العبدِ مِن ربِّه في مقامِ الدعاء)! 🎀
فاللهَ اللهَ في الدعاء 👌
والسلام! 🌹
#ترتيل_الخزين
BY للحجاب اهتديت💚✨
Share with your friend now:
tgoop.com/llhgad/3404