tgoop.com/llhgad/3346
Last Update:
شوفت واحدة بتدعي على بنت جارتها إنها متفرحش في حياتها ولا يجيلها شخص يحبها وتعيش مذلولة لمجرد إنها كانت على خلاف بسيط معاها..
البنت مكنش بيتقدملها حد والتانية كانت مبسوطة إن دعوتها استجابت فعلاً واللي كانت بتدعي عليها اتجوزت وخلفت!!..
بعد أربع سنين بالظبط البنت جالها دكتور أسنان خدها وسافر بره واللي كانت بتدعي عليها اتطلقت..
وقتها افتكرت قصة الصحابي " خبَّاب بنُ الأَرَتٌ "
لما دخل الإسلام جديد وكان بيتعذب والنبي مكنش عارف يعمله إيه؟ فلما راح للنبي ﷺ وقاله:
« يارسول الله، ألا تَستَنْصِرُ لنا..؟؟ "
في الوقت ده القرشيون راحوا استنجدوا بسيدة سيدنا خبَّاب كان عبد عندها اسمها " أمِّ نمار "
فراحت مسكت حديد محميّ ووضعته فوق راسه ونافوخه!..
فسيدنا محمد لما شاف العذاب ده دعى وقال:
« اللهمَّ انصُرْ خبَّابًا »
وبعد أيام قليلة أمِّ نمار جالها مرض غريب " سُعار " وبقت تعوي زي الكلاب.
عارفين كان علاجها إيه؟
إن رأسها يتكوى بالنار عشان تهدى وتبطل عويل.
وراسها ذاق نفس العذاب اللي كانت بتعذبه لسيدنا خبَّاب..
اللي هيجي في بالك دلوقتي الآية دي:
« وَلَا تَحْسَبَنَّ اللَّهَ غَافِلًا عَمَّا يَعْمَلُ الظَّالِمُونَ »
وكل ساقٍ سُقيَ بما سقى ولا يظلم ربك أحدا .
اللي زعلك في يوم هيحصله نفس اللي عمله فيك بطريقة أو بأخرى هيتردله الألم بنفس المقدار والوجع حتى لو هيترد متأخر أو بعد وقت طويل 💛
- عزة العمروسي.
BY للحجاب اهتديت💚✨
Share with your friend now:
tgoop.com/llhgad/3346