tgoop.com/llhgad/3124
Last Update:
مش ح ينفعوك الناس اللي قالو لك مش طالع عليك، يا شيخة، ماتنسيش شن كنتِ تلبسي قبل، أكيد لابساته غصب عنك، أكيد مخطوبة، أكيد متزوجة، أكيد مدايرة عملة و مدرقة بالحجاب،المحجبات بلا أخلاق، أكيد لابساته لأن تبي راجل، ماحد بيتزوجك، قعدة صغيرة، علاش تكبري في روحك، علاش تغمي في روحك و غيره من الكلام اللي نسمعو فيه ع الحجاب و المحجبات🌸
مش ح تنفعك البنت اللي شفتيها بلبسة ضيقة أو قصيرة أو حاطة مكياج و مشيتي درتي زيها🌸
مش ح ينفعك الحسّاد اللي كارهين يشوفوك بلباسك الشرعي.. اي نعم في ناس يحسدوك حتى ع الطاعة لأن هما مش قادرين يديرو زيك وهذا دليل على نقص داخلي في الإيمان ف ماتغضبيش ربي عشانهم🌸
مش ح ينفعك العمل أو الدراسة اللي خلعتي حجابك بسببها لأن من شروط العمل إنك تكوني غير محجبة أو غير منقبة🌸
مش ح تنفعك عيلتك اللي مصرّة إنك تنحيه قدام ولد"عمك، عمتك، خالك، خالتك" بحجة إنكم خوت و متربيين مع بعض 🌸
قال الله تعالى:﴿وَكُلُّهُم آتيهِ يَومَ القِيامَةِ فَردًا﴾
[مريم: ٩٥]
يعني يوم القيامة بتجي بروحك لا عندك حد يدافع عليك ولا يلوم عليك
و الناس مهما دارولك في الدنيا مش ح يشفعو لك يوم القيامة وكل إنسان بيقول نفسي نفسي إلا محمد صلى الله عليه وسلم 🌸
#حجابك، #لباسك.
BY للحجاب اهتديت💚✨
Share with your friend now:
tgoop.com/llhgad/3124