tgoop.com/llhgad/3091
Last Update:
" مع الود يأتي التنازع "
كنت بشرح للبنات في دورة كبائر القلوب، إن العدواة و البغضاء بتيجي بأشكال غريبة و مختلفة !
زي موضوع " الود "
ابليس لا يرضى عن الود !
قعدات عيلة ، صحبة صالحة كويسة مع بعض، لازم يزرع التنازع بأي شكل
زي بالظبط القعدات العائلية اللي فيها ود، بتحصل حركة غير مقصودة من حد..
ابليس يخلي شخص أخر يفهمها بمعنى وحش، أو حتى لو هي حركة مؤذية
ابليس يهولها و يكبرها أوي، و قعدة ورا قعدة يخلينا نشيل من بعض على أتفه الامور، لحد ما تيجي مشكلة، نقوم منفجرين في بعض وفاكر يوم لما عملت كذا و يوم لما اتجمعنا و قولت كذا، ونتصدم في قلوب بعض !
ليه ؟!
باختصار لإن ده حاجة ابليس يعشقها، كل ما زاد ود كل ما هو اتفنن في ايجاد العداوة فـ تلاقي الناس تقولك : اتحسدنا / اتسحرنا، لأ هو تحريش ابليس!
الحل ايه ؟!
تعرف إن أي تجمع كل واحد جاي معاه شيطانه، فـ قدر استطاعتك تدعي ربك يصرف عنك و عن حبايبك دول نزغ الشيطان، و جاهد نفسك في ظنون السوء
و لو في حاجة مش قادر تتجاوزها عاتب بلطف و أفهم علشان ابليس بيعتمد على الخيال علشان يكبرلك المواضيع و هي في الاخر ممكن تكون غير مقصودة اصلاً !
القلب السليم رحلته في الدنيا مش سهلة، أنت ممكن تًحبس عن الجنة بمقدار ما في قلبك من أحقاد، استعن بالله و اصبر على تنقية قلبك، و كله في ميزانك.
دكتور خالد الحداد له مقولة رائعة :
نوع جديد من الجهاد اسمه
(جهاد التلوُّث)
تجاهد ألا تأتِ الحياة على كل بياض قلبك ونفسك.
منى محسن
BY للحجاب اهتديت💚✨
Share with your friend now:
tgoop.com/llhgad/3091