tgoop.com/llhgad/2938
Last Update:
ماذا أفعل إذا لم أكن في حماس البدايات ولسة فاضلي شوية ع استدراك النهايات
- يعني إيه ؟
بدون مقدمات يا صاحبي .. رمضان راح مني والسلام عليكم ورحمة الله وبركاته..
احنا ناخد بريك لحد ليلة ٢٧ نقف ساعتين صلاة وأوعدك رمضان الجاي هاخد بالي م الوقت أوي أوي
أولا.. لو فاضل ف رمضان دقيقة واحدة ف هو ماراحش ، الله عز وجل يقدر أن يقول "كن" لعتقك من النار فتعتق في اقل من ثانية مش دقيقة سبحانه.. ف رمضان ماراحش ماتاخدهاش حِجة وتتقمص عشان إنت عايز تريح.
ثانيا.. نمط حياتنا سريع ودة بيحصل مع رمضان وغيره ف ماتجيش ف رمضان بالذات تكتشف أن ١٠ أيام عدوا هوا .. دة عمرك قبل ما يبقي شهر وبيعدي.
ولكن رمضان مهما جه ومشي سريع فـ هو يظل "شهر" ولو الغرض منه فقط فقط زيادة الأجور كان بقي يوم أو اتنين ليهم عبادة معينة يضاعف لك الأجر وشكرا.. لكنه شهر عشان تتغير عشان تعرف تتعامل مع المشاكل تعرف نفسك ع حقيقتها بدون شيطان ، نفسك كدة وأبواب الجنة مفتوحة إنت متخيل!
تعرف نوع العبادة الي سهل عليك والعبادة الي محتاجة مجاهدة..
تعمل حاجة غريبة جدا ع النفس ، وهي إني انضبط شهر كامل.. بنواجه مشكلة في فكرة إني بسخن جامد أول كام يوم بعدين فتور تام ومعاصي و و وبعدين اشد يكون الشهر خلص
لا تحاول مع نفسك إني مش هغفل في العشرة الأواسط مهما حدث
BY للحجاب اهتديت💚✨
Share with your friend now:
tgoop.com/llhgad/2938