tgoop.com/lkjh11/80062
Last Update:
شفت رسائل بعض البنات ...
كل وحدة بيهن عندها فد هّم ماکل گلبها أكل
وحدة زواجها فشل والثانية محرومة من الذرية صارلها سنين و الثالثة تريد بيت وحدها والرابعة قسمتها ماتصير وزواجها متأخر
والخامسة تريد وظيفة ووو ..... إلخ
شوفوا بنات نصيحة واعرف هالشي شگد مؤلم بالنسبة لكم
بس لا تخلون حياتكم متوقّفة على هالشي الي أنتم تردوه يتحقّق
خلوا عينكم بعين الله وشوكت ما يصير يصير
ترى رب العالمين ما حرمكم مثل ما انتم متخيلين !
كلشي يسويه رب العالمين هو لأجل مصلحتكم أو لأجل حتى يعطيكم شي افضل منه
مثلا وحدة گاعدة تفكّر وتباوع لهاي وذيچ ...
ليش فلانة تزوجت واني لا ؟
وليش فلانة متوظفة واني لا ؟
وظالة على هالوضعية لا سنة ولا سنتين ( بمكانها تراوح ) لا هي الي مسوية شي نافع لربها ولا هي الي حاجتها متحقّقة
اني ما اگول لكم اتركوا طلب حاجتكم !
بالعكس اطلبوها واستمروا بطلبها من الله تعالى بس اعتبروا هالحاجة فد إضافة حلوة بحياتكم في حال تحققّت
خلي اوجّه كلامي للكل ..
فرضا ربك ما كاتب هالحاجة تتحقّق أو لعله كاتبها بس إلا بعد كم سنة وبالوقت المناسب مثلا
زين شلون تظل فد عشرين سنة بمكانك تبچي وتنحب وتلطـ،ـم وانت مضيع سنين عمرك ؟
بعدين هو منو ضامن أن هو عايش لباجر ؟
خو اسويلي فد عمل بحياتي أكسب بيه ديني ورضا ربي وأنصر بيه إمام زماني
خلي يكون عندي فد هدف بهذه الحياة أن اكون مثلا أحد جنود وانصار الحجّة
أو مثلا أطلب علم والتهي بهذا العمل الي هو أعظم عمل ممكن يعمله الإنسان وذكرنا سابقا فضل طلب العلم على العبادة
هم أكسب ديني ورضا ربي وهم ماضيعّت سنين عمري هباءا واظل بهالتفكير والقلق !
ليش ماتزوجت ؟ ليش ما تعينت ؟
وليش ما صار عندي بيت ؟
وصدگوا من تلتهون بشي يشغلكم وبالأخص إنشغالكم بمرضاة الله تعالى مثلا اسويلي مشروع اخدم بيه إمام زماني تلقائيا اصلا حتى بعد ما عندكم وقت تفكرون بهمومكم وحاجتكم ومستقبلكم
من تتقربون من الله تعالى وإمام زمانكم قرب حقيقي تلقائيا رح تسلمّون أموركم بيد الله تعالی ورح ترضون بکل شيء قسمه ربك العالمين لكم و لعله بهذا الوقت حتى حاجتكم تلگوها متحقّقة .
عن الإمام الصادق (عليه السلام): مَن رضِيَ القضاء أتى عليه القضاء وهو مأجور، ومَن سخِطَ القضاء أتى عليه القضاء وأحبطَ الله أجرَه .
عن النبيّ (صلى الله عليه وآله) سائلاً جبرائيل عن الله تعالى: «... قلتُ: فما تفسير الرضا؟ قال: الراضي لا يَسخط على سيّدِه، أصابَ مِن الدنيا أم لَم يُصِبْ، ولا يرضى لنفسه باليسير مِن العمل .
ميزان الحكمة - محمد الريشهري - ج ٢ - الصفحة ١٠٩٥
بحار الأنوار - العلامة المجلسي - ج ١٠٠ - الصفحة ٢٢
نجمة مهدوية
BY قصهہ وموعظهہ
Share with your friend now:
tgoop.com/lkjh11/80062