قصهہ وموعظهہ

رحت لزيارة الأربعين وهذه المواقف الي شفتها 👇

1_ الزلم يحاولون مايطخّون بالنساء رغم الازدحام وبمجرد مايشوف محتشمة هو يفسحلها الطريق ويصرخ ع الوراه في سبيل محد يطخ بيهن

2_ الله يشهد طول الطريق غاضّة بصري بس اسمع وراي صوت ناصي جدا كأنه همس يذكر عبارة : ياصاحب الزمان ياصاحب الزمان ياصاحب الزمان
وكأنه العبرة بگلبه بحيث يبچيك من يلفظها واعتقد الرجل كبير بالعمر

3_ ماشفت وحدة متبرّجة او متزينة أبدا عدا وحدة جانت مخلية صبغ اظافر اسود ومعصم ايدها طالع

4_ الخداّم الي بالعتبة فد خلگ طويل عدهم وي الزوار : تعال منا ، روح مناك ، هنا لا تجي ، افسح الطريق

5_ صار ازدحام بمكان قريب على باب الدخولية للعباس عليه السلام بسبب نساء ايرانيات گاعدات بالگع ومايقبلن يگومن والزوار يتعثرون بيهن والنساء يتوسلن بيهن : يابة گومن مكانچن خطأ وحرام هذا فعلچن رح تسببن كارثة كبيرة ، بس مايفيد ! وطبعا الخطأ وارد من الاثنين حتى من بعض العراقيين

فوگعت وحدة وگامت توگع وحدة فوگ الثانية تقريبا 3 الي وگعن ، الله يشهد ما شفت إلا الغيرة من النساء العراقيات الي داير مدايرهن

فوحدة قريبة عليهن صعدت ع الرصيف وخلت إيدها ع العامود تلزم بيه وبالإيد الثانية جرّت الي وگعن بالگع حتى لا يزيد عدد الي يوگعن فوگاها واقسم بالله لولا هذا فعلها چان صارت كارثة كبيرة يم الضريح وكلهن يموتن اختناق لأن ع الشارع وانتم تخيلوا روجات من النساء وراها ،
الله يعلم هذا فعلها شگد رح يشفع لها بيوم القيامة لأن بيه إنقاذ نفس
عن أمير المؤمنين عليه السلام : من أحيا نفسا فكأنما أحيا الناس جميعا
وطبعا هالحديث بيه مصاديق هواي 👆

6_ شفت من بعيد اثنين كل واحد جاي من اتجاه على صندوق كبير بيه مي بارد فمدوا ايدهم نفس اللحظة وما لگوا بس مي واحد فالاول اخذ المي والثاني مالگى فدار وجهه وراح ومبين بيه العطش فالاول الي حصل الـ مي ركض وراه واعطاه المي فـ رفض العطشان بس بالاخير أخذه وشربه ، وهنيئا له لأن حصل هالأجر العظيم
عن الإمام زين العابدين (عليه السلام): من سقى مؤمنا من ظمأ سقاه الله من الرحيق المختوم

7 _ بنت جانت لازمة إيد وحدة وياها فتركت إيدها وگالت لها : اني ما ادخل وياج منا وما اريد انطخ بالرجال رح اظل اوگف بمكاني لحد ما يرحون وادخل ، فـذيج تركتها وفاتت وهي ظلت بمكانها لحد مادخلت موجة الرجال وراحت فدخلت هي وطبعا الاولى صار عليها اشكال لأن كانت مامهتمة للأمر حتى لو تنطخ .

نجمة مهدوية

www.tgoop.com/lkjh11/77924

54 viewsبوت {أَمِنَ المُتوَكِلينَ} للنشر الديني, Aug 16 at 15:12

رحت لزيارة الأربعين وهذه المواقف الي شفتها 👇

1_ الزلم يحاولون مايطخّون بالنساء رغم الازدحام وبمجرد مايشوف محتشمة هو يفسحلها الطريق ويصرخ ع الوراه في سبيل محد يطخ بيهن

2_ الله يشهد طول الطريق غاضّة بصري بس اسمع وراي صوت ناصي جدا كأنه همس يذكر عبارة : ياصاحب الزمان ياصاحب الزمان ياصاحب الزمان
وكأنه العبرة بگلبه بحيث يبچيك من يلفظها واعتقد الرجل كبير بالعمر

3_ ماشفت وحدة متبرّجة او متزينة أبدا عدا وحدة جانت مخلية صبغ اظافر اسود ومعصم ايدها طالع

4_ الخداّم الي بالعتبة فد خلگ طويل عدهم وي الزوار : تعال منا ، روح مناك ، هنا لا تجي ، افسح الطريق

5_ صار ازدحام بمكان قريب على باب الدخولية للعباس عليه السلام بسبب نساء ايرانيات گاعدات بالگع ومايقبلن يگومن والزوار يتعثرون بيهن والنساء يتوسلن بيهن : يابة گومن مكانچن خطأ وحرام هذا فعلچن رح تسببن كارثة كبيرة ، بس مايفيد ! وطبعا الخطأ وارد من الاثنين حتى من بعض العراقيين

فوگعت وحدة وگامت توگع وحدة فوگ الثانية تقريبا 3 الي وگعن ، الله يشهد ما شفت إلا الغيرة من النساء العراقيات الي داير مدايرهن

فوحدة قريبة عليهن صعدت ع الرصيف وخلت إيدها ع العامود تلزم بيه وبالإيد الثانية جرّت الي وگعن بالگع حتى لا يزيد عدد الي يوگعن فوگاها واقسم بالله لولا هذا فعلها چان صارت كارثة كبيرة يم الضريح وكلهن يموتن اختناق لأن ع الشارع وانتم تخيلوا روجات من النساء وراها ،
الله يعلم هذا فعلها شگد رح يشفع لها بيوم القيامة لأن بيه إنقاذ نفس
عن أمير المؤمنين عليه السلام : من أحيا نفسا فكأنما أحيا الناس جميعا
وطبعا هالحديث بيه مصاديق هواي 👆

6_ شفت من بعيد اثنين كل واحد جاي من اتجاه على صندوق كبير بيه مي بارد فمدوا ايدهم نفس اللحظة وما لگوا بس مي واحد فالاول اخذ المي والثاني مالگى فدار وجهه وراح ومبين بيه العطش فالاول الي حصل الـ مي ركض وراه واعطاه المي فـ رفض العطشان بس بالاخير أخذه وشربه ، وهنيئا له لأن حصل هالأجر العظيم
عن الإمام زين العابدين (عليه السلام): من سقى مؤمنا من ظمأ سقاه الله من الرحيق المختوم

7 _ بنت جانت لازمة إيد وحدة وياها فتركت إيدها وگالت لها : اني ما ادخل وياج منا وما اريد انطخ بالرجال رح اظل اوگف بمكاني لحد ما يرحون وادخل ، فـذيج تركتها وفاتت وهي ظلت بمكانها لحد مادخلت موجة الرجال وراحت فدخلت هي وطبعا الاولى صار عليها اشكال لأن كانت مامهتمة للأمر حتى لو تنطخ .

نجمة مهدوية

BY قصهہ وموعظهہ