tgoop.com/lkjh11/76594
Last Update:
شعدچن طابات بنص الزلم ؟ اگعدن وسكتن ببيوتچن !
👆 هذه العبارة الي دائما يسمعنها بناتنا ونسائنا من الرجال الغرباء اثناء المشي ( الاربعين ) لزيارة الحسين عليه السلام
وكأنه زيارة الحسين عليه السلام مخصّصة أو مستحّبة للرجال فقط !
يا أخي الشاب انت عندك علم أن الإمام الصادق عليه السلام سأل احد النساء إذا كانت تزور الحسين أو لا ؟
وبعد جوابها گال لها عبارة : زوريه ! فإن زيارة قبر الحسين واجبة على الرجال والنساء
إمامك الصادق عليه السلام ديگول للمرأة زوريه !
ماگال الزيارة بس للزلم !
منو انت لحتى تنتقد وتؤذي اختك الزائرة بكلامك ؟
و الي جاية متعناية من مكان بعيد حبا بمولاها الحسين عليه السلام ؟ ومواساة لإمام زمانها
شنو فرقها عنك بتحصيل الثواب ؟
انت مكلّف وهي لا ؟
انت تدري هذه عبارتك رح تحصّل عليها ذنب ؟
والله يعلم كم وحدة تألمت بسببك
تحچي وتنتقد وكأنه هن جايات متعمدات لهذا المكان حتى يرمن نفسهن بنار جهنم
وكأنه مابيهن ولا وحدة حريصة على نفسها من الإشكال الشرعي والتلامس الي يصير
وكأنه ولا وحدة بيهن مهتمة بعفتّها وسترها
طيب خلي نگول انت ضايج من مسألة الازدحام والإشكال الشرعي الي يصير ... إلخ
خو أگعد وي : امك ، اختك ، بنتك ، زوجتك
وفهّمهن بإسلوب حلو ان بالازدحام ممكن يصير كذا ولازم نبتعد عن اي إشكال شرعي وعن اي أمر ممكن يؤدي للحرام سواء نظرة أو تلامس او ضحكة بالخطأ أو أو ...
وإذا صدگ خايف عليها و شفتها متألمة بداخلها وتتمنى تزور ..
شيصير لو تخصّص يوم إلها تاخذها وترجعها بنفسك ولا تخليها حسرة بگلبها
هم تمشي خطوات وتحصل أجر وهم تواسي السيدة زينب عليها السلام
واذا الوضع كلش ازدحام فـ اكو حل عسما من بعيد تشوف الگبة تسلم وتقرأ الزيارة ترجع وانت زور وياها او خصص يوم آخر إلك
شيصير لو كل أب و أخ و زوج و أبن طبق هذه الخطوة ؟ حرام يعني ؟
انتم تدرون هذا فعلكم رح تحصلون أجر مضاعف عليه ؟
دتحافظون على نسائكم ، ودتخلوهن يزورن بسببكم ، ودتقللون من مسألة الإشكال الشرعي ، ودتعلموهن شنو الحل في حال صار اختلاط
هيج رب العالمين يريد مو تحرمون النساء !
وكأن الجنة حصرا بس إلكم ومفاتيح ابوابها بجيبكم !
وين الرفق بالقوارير ؟
وين معاشرتهن بالمعروف ؟
وين وصايا النبي و اهل بيته عليهم جميعا صلوات الله وسلامه بالنساء ؟
بإذن الله تعالى رح نكمل وياكم وننبّه عن باقي الافعال الخاطئة الي تصدر من الشباب اثناء الزيارة مع ملاحظة ان الكلام للبعض مو للكل
نجمة مهدوية
BY قصهہ وموعظهہ
Share with your friend now:
tgoop.com/lkjh11/76594