tgoop.com/lazyprogrammer/293
Last Update:
Hozirgina yana bir semesterga yakun yasadik, unumdor semester bo'ldi, bu semester fanlari haqiqatan qiziqarli va foydali bo'ldi.
"Computer Networks" fanida internet qanday ishlashini chuqur o'rgandik. Professor bilan jprq uchun TCP proxy haqida birga muhokama qilib ajoyib yechim yaratdik. So'ramasam ham professor loyiha uchun qo'shimcha bal berdi. Maza qildim.
"Algoritms and Data Structures" fanida men eng ko'p qiynaladigan graph theoryda ko'proq to'xtaldik, yechimni nega to'g'ri ekanligini isbotlashni ham o'rgandik. Imtihon FAANG intervyulariga o'xshash tarzda bo'ldi. Maza qildim.
"Digital Systems and Electronics" fanida va nihoyat CPU qanday ishlashi haqida o'rganib, o'zimiz kichik ALU (Arithmetic Logic Unit) yaratib ko'rdik. Semester oxirida Arduino bilan katta-kichik circuitlar yasab ko'rdik. Maza qildim.
"Universal Programming Techniques" fanida Javani chuqurroq kashf qildik. Ko'plab arxitektura va patternlarni sinab ko'rdik, testlash strategiyalarni o'rgandik. Maza qildim.
"Statistical Data Analysis" fanida ehtimollikni hisoblashni, gipotezalarni test qilib ko'rishni, ko'plab distribution funksiyalarini o'rgandik. Ma'lumotlar ustida statistik analiz qila olishni o'rgandik. Maza qildim.
"Database Systems" fanida normalizatsiya, denormalizatsiya, normal formani aniqlash bilan bir qatorda Oracle va Microsoft kompaniyalari yaratgan malumotlar omborida stored procedures, triggers va materialized view kabi texnologiyalaridan foydalanib kattaroq loyiha yaratdik. Men kubuxona uchun kitob ijaraga olish sistemasini yaratdim.
Xullas, universitetda o'qishdan ko'p foyda olyapman, hamma qiziq fanlar hali oldinda...
BY Azim Pulat
Share with your friend now:
tgoop.com/lazyprogrammer/293