tgoop.com/lammiif/3592
Last Update:
Mimmiyoo Jaalalaa
==================
*Kutaa 2ssoo
Seenaan barattuu waggaa 3ffaa waan taateef barnootasaa
kana barachuuf dirqamte. Isaan lameenuu jaalala sabaa,
guddinna afaaniifi jireenya isaanii yaaduu malee, guyyaa
tokkos waa’ee jaalalaa dubbatanii waan beekan hinfakkatan.
Haata’uu malee, guyyaan nidhufe osoo isaaniin hinmari’atin;
innis osoo barsiisu, isheenis osoo barattu wal ajaa’ibuu
jalqaban..
Akkas waliin jedhan:
Falmataa: “Maal bareedduun akkanaa, maal uumaan intala
Oromoo kuni” jedhe.
Seenaa: “Maali osoo inni kuni kiyya ta’ee jiraatee, nan
eebbifame ture…” jette.
Falmataa: “Silaa isheen tole naaf hinjettu maaliif afaan koo
xureessa?. Isaan babbareedan kuni yoona akka dachee
magaalaa finfinnee qabamanii dhumaniiruu…” jedhe.
Seenaa: “Barataa cimaa boonuma isaanii dadhabe, jaalala
hinbeekan.! Yeroo hundaa cimina isaaniitti malee jaalala
hinhubatan” jette.
Falmataa: “Kana naballeessuuf natti fide barana, maal
godhaa?. Baruumsa koofi qabxii galmeessaa ture sanatti
dhoqqee laaquuf…” jedhe.
Seenaa: “Maal ija jaalalaan jalaan na’ilaala? baruumsa malee,
waan jaalala beeku hinfakkaatu inni. Maal godhaa?. Kuni
Aljebra malee, jaalala beekaa laata?…” jette.
Falmataa: “Gaafa ishee daree keessatti ilaalu waan jedhu
dhabee lafti naan mara. Dafqatu narraan dhangala’a. Sababa
isheef gabatee gurraacha ilaalaa oola. Achi garagaluu
sodaadhee, gaafadhus waan tole jettu hinfakkaattu. Maali
godhaa? jedha.
Seenaa: “Gaaafii kanatu nadhibe jedhee bira geessee ilaala.
Garuu bira dhaabbadhee ija keessa ilaaluu danda’aa laata?…”
jettee gaaficha qabattee ijaan lafa ilaalaa tokko lama jedhaa
gara isaa adeemuu jalqabde.
Yeroo seenaan gaaficha gaafachuuf kophaa bira deemtu;
dubartootni maaliif kophaa bira deemte? bareedaa kana
jaalachuu barbaadde moo? jedhanii miila lafatti rigan. Warri
dhiiraas jalaan wal ilaalaa ishee ani gaafadhuu jedhaaru maal
abba isaa kophaa itti haasayaara jedhanii yaadaan wal qeeqan.
Seenaan dhiirota hedduun jaalatamti. Garuu baay’een isaanii
gaafachuu sodaatanii doormii keessatti ciinca’u. Yeroo isheen
ija jaalalan isa ilaaltu; “maaloo seenaa akkanatti na hin’ilaalin”
jedhaa gaaficha hojjateef. Galatoomi sabboonaa jetteen
sagalee humna hinqabne tokkoon. Doormiitti yeroo isheen
galtu, “dubartoonni maal irraa siqabee” jedhanii kolfaan
doormii oowwisan.
Osoma isaan lameenuu yaadaan waxaalaman baatii tokko ta’e.
Guyyaa tokko seenaan kaafteeriyaa tokko keessa teessee,
yeeroon qormaataa gaheera waan ta’eef gara mana kitaabaa
deemuuf buna dhugaa osoo jirtu, Falmataan gara mana
kitaabaa deemaa jiru ilaaltee argite. Seenaan daftee lafaa oli
kaatee “Sabboonaa” jettee sagalee olkaastee waamte.
Barattootni naannoo sana turan, ‘maali intalti maali taate?..’
jedhanii wal’ilaalan. Yeroo Falmataan ishee bira gahu, “koottuu
buna Oromoo dhugi” jetteen. Innis xinnooshee akka kolfuu
ta’ee; “maali buna Amaaraa ykn Tigiree jedhamutu jiraa?…”
jedheen. Seenaan xinnoo ishee cal’istee; “bunni kanuma
Oromooti, garuu kan gurguratee duroomaaruu (sooromaaru)
warruma sana” jetteen.
Buna dhugaa baruumsi akkami jedhanii wali gaafatan.
Falmataan akkas jedhe “barachuun nama hindhibu, baratanis
akka namaatti jiraachuun garuu nama dhiba. Haata’uu malee,
gaafa baratte ati eenyuun akka taate nihubatta. Atihoo akkami
baruumsi?…” jedhee gaafateen…
Seenaanis akkas jette. “Barachuun salphaadha. Garuu kaayyoo
feete qabaattus, jaalalaafi Atileetota Oromoo moo’achuun
ni’ulfaata” jetteen. Falmataan suuta jedhee yeroo ilaalu,
Seenaan akka aduu bishaan Awaash gubbatti baatee ijji irra
nama hindhaabbattu. “Hundaafuu eessa deemaa jirta” jettee
gaafatteen Seenaan. “Gara mana kitaabaa deemaara” jedheen.
Anis siwajjiin haadubbiisuu?…” jetteen. “Eeyyen garuu” jedhe.
“Garuu maali” gaafasheen jettuun akkas jedhe “mucaa
tokkummaa jedhamu tokkotu wajjiin dubbisna naan jedheera”
jedheen.
Seenaan baay’ee kolfitee: “maali tokkummaan keessan
dubartoota Oromoo hindabalatu moo?…” jetteen dubbii isaa
jijjiirtee. Falmataan baay’ee rifatee “tole haadeemnuu”
jedheen. Yeroo isaan mana kitaabaa seenanii kaasanii;
barattoonni hedduun sekondii kudhan kitaaba isaanii dubbisaa,
daqiiqaa kudh
BY Asoosama Gaggabaaboo
Share with your friend now:
tgoop.com/lammiif/3592