tgoop.com/labaykahoussein/91718
Last Update:
على زينب وغربتها
دمعي سايل… لام الخدر ومحنتها
دمعي سايل… .المنيه الليله وافتها
*آه يـازينـب*
يالغريبه.. من يِشَيْعِك هالمسيه
يالغريبه…. يمّك وينصب عزيه
يالغريبه…. يحضر بهاي الرزيه
〰〰〰
آيزينب… .لا اخو نعشك يشيله
آيزينب… .يشيع الليله العقيله
آيزينب…. ولاجلك المدمع يسيله
〰〰〰
وينه عباس…. بيده يحفرلچ گبر
وينه عباس… .يعاين اخته تحتضر
وينه عباس…. ويدفنچ يمه الگمر
خادمة آل محمد✍🏻
*يا شيعة امير المؤمنين لنجهز جنازة زينب ونغسلها بدموعنا اه اه زينب غريبة اليوم لا تبخل عليها بدمعتك*
•• *عظم الله اجوركم يا شيعة امير المؤمنين ع في وفاة السيدة زينب ع* ••
لحن الخضيب♪
جنازة غريبه بلا اهل منهو يشيّعها
تشبه جنازة فاطمة بالغربه موضعها
عاشت يتيمه من الزغر ظل جاري مدمعها
شافت مآسي من الزمن ما مرّن على اثنين
آه يا زينب~³آه
-------------------
عاشت رزاياها ومحن أولها حرق الدار
وثانيها مفجوع الگلب بطبرة علي الكرار
وثالثها مسموم الحسن ولاجله تهل اعبار
واعظم مصيبه بكربله شافت ذبيح حسين
آه يا زينب~³آه
----------------
ام المصائب والمحن ام الحزن بالنوح
عافت بدور بكربله وشافت نحر مذبوح
وراس الحسين على الرمح وجسمه بثره مطروح
شافت گمر يم النهر منه انگطع چفين
آه يا زينب~³آه
--------------
طلعت سبيه وْيَالعدا ويمها حرم وايتام
بسوطه الشمر يحدي الظعن وبولية الظلاّم
عگب الدلال ام الخدر مسبيه لارض الشام
مچتوفه ايديها بحبل والدمعه عالخدين
آه يا زينب~³آه
خادمة آل محمد✍
*زينب آخر لحظات حياتها تتمنى لو حضروا اهلها وعشيرتها واخوتها وامها الزهراء ع*
*حضور الزهراء ع عند جنازة ابنتها زينب ع*
لحن الخضيب♪~
وينچ يا يمه فاطمة گومي واحضريني
اقري كتاب وصيّتي وانت الوعدتيني
يمي تجي في شدتي بالغربه عينيني
زينب غريبه تحتضر غمّض جفنها ونام
✮ـــ✮ـــ✮ـــ✮ـــ✮
گومي انثري فوق الكفن من تربة المظلوم
والراية من راعي العلم نشريها يمي اليوم
فوق النعش نثري الدمع علينا القدر محتوم
تتفرق قبور الأهل وانه اندفن بالشام
✮ـــ✮ـــ✮ـــ✮ـــ✮
*يا اهل العزاء اهل البيت ع يحضرون عند احتضار المؤمن فكيف لا يحضرون عند ذريتهم*
لحن الجفيري~♪
نور الزچيه من حضر
يم العقيلة اخت الگمر
مدمعها جاري من القهر
وتلزم ضلعها المنهشم
〰️〰️〰️〰️〰️〰️
تگلها شفت زرگ المتن
ويبسن دموعچ بالجفن
مْحنتچ يزينب والحزن
تشبه مِحنتي والألم
〰️〰️〰️〰️〰️〰️
*زينب تجيبها~*
يمه اميرة حيدره
تمشي غريبه ميسّره
ليتچ تشوفين الجره
مذبوحه من كثر الهضم
〰️〰️〰️〰️〰️
اميرتكم ترافق غرب
وتمشي سبيه عالدرب
درب السبي يمه صعب
والشام بيّه ما رحم
*يا اماه~ سبونا يا اماه ضربونا ~ يا اماه شتمونا ~ يا اماه بالخرابه سجنونا يا اماه بالسياط لوعونا~*
بسوطه الظالم يمه اجاني
علّم على متوني وچواني
ضيم وقهر يا يمه عماني
من شفت بطشت راس والينه
صح ونادي واحسيناه~
خادمة آل محمد✍🏻
عظم الله اجوركم
*القصائد الزينبية* 🏴
*يا زهراء مدد*
*لسان حال الحجة مهدي الزمان عج في الليالي الزينبية* 😭
يا عيوني ابكي الدمعه اجريها~
ماتت غريبه ومن يواريها~
شافت رزايا العبره ترويها ~
بالطف مآسي تشيب الراس~
〰〰〰〰〰〰
كم محنة ادري تألمچ أكثر~
محنة حسينچ منگطع منحر~
وعنّه مشيته بولية العسكر~
جسمه عالغبره بحافر انداس~
〰〰〰〰〰
ابكي العقيلة لراحت أسيره~
من بعد عزها ذيچ الأميره~
تنخى ابو فاضل راعيِ الغيره~
وتنادي وينك يا خويه عباس~
〰〰〰〰〰
حسرة يعمّه علخدر مسلوب ~
گْطعتي مسبيّه كل هالدروب~
وعينچ عالرمح راسه منصوب~
بالكوفة صارت تتفرج الناس~
〰〰〰〰〰
خبريني لجره يا عمّه بالشام~
شلونچ سبيّه وعيونچ تنام ~
وفوگ الهزيله تنحب الايتام~
وموتة رقية ويلي عالراس
〰️〰️〰️〰️〰️
نامي يا عمه وقرّيِ العين~
لبني ضريحچ ما بين لحسين~
وبين عباسچ وچفوفه لثنين~
ومشّايه يتعنوا إلچ هالناس
خادمة آل محمد✍🏻
اسفي على الغريبة المظلومة التي ماتت ودفنت في ارض غربة
*الليالي الزينبية*
يدفّان العقيلة بهون ادفنها~
وجـروح الي بالمتن لا تألمها ~
هاي الي اتذبحت بالطف زلمها~
وراحت سبية ما بين عدوان~
〰️〰️〰️〰️〰️
هاي الي سلبوا بالطف خدرها~
حاديها الشمر وبسوطه زجرها~
شافت محن واحزان بعمرها~
وكافلها عالنهر وبلا يا ذرعان
〰️〰️〰️〰️〰️
متنها مورّمة ومسودة المتون~
ماتت بحزنها وبالدمع العيون~
واليها بلا راسه باللحد مدفون~
راسه عالرمح يعاين سورة الاحزان
〰️〰️〰️〰️〰️〰️
خلص عمرها وما خلص منها الونين
نوبة على العباس نوبة على الحسين
منهو يشيعها ويدفنها ما بين
الذبيح بكربله ويم گر عدنان
خادمة آل محمد ✍🏻
الشاعرة الحسينية خادمة آل محمد ✍🏻
BY خدام الإمام الحسين(ع)🚩 قصائد و مجالس
Share with your friend now:
tgoop.com/labaykahoussein/91718