tgoop.com/kmrrr/9844
Last Update:
راح ترحين مشاية !
اسمعي النصيحه :
أولا : الحشمة ولبس السواد بالكامل ، مو لابسة عباية سوده وجواريب حمر والجنطة وردي ومدندشة ملاعيب ، اكو هواي جنط لونهن اسود بالسوك مايتجاوز سعرهن 8 الاف مو ماخذتلي جنطة سبونج بوب ب25 الف وطالعة نشاز عليج !
ثانياً : على كيفج من تحجين بالشارع مو صوتج اعلى من سماعة الموكب وتتمضحكين ويا الوياج عبالك رايحة سفرة لاسطنبول !
ثالثا : كلاوات العيد عوفيهن مو مخلية حمرة ومن واحد ينصحج تكليلة هذا مرطب وهي مبينه ذيج هيه !
رابعاً : من توصلين لبيت المعزب مو كاعده بزاوية وتحركَين ام البيت الكاعدة بي انطيني رمز الراوتر ، وكاعده وتبسبسين وحتى عشى ماتتعشين يمكن متعاركة ويا الكبد 🤨 المن جاية مشايه اذا هذا تصرفج ابقي بالبيت احسن !
خامساً : ملابس أخذي وياج أشتري هذا الشيء يخصج مو توصلين وتعاي انطيني دشداشة لو شي ثاني لان انعم الله عالناس ومسوين فضل علينه مكعدينه عدهم وفارشيلنه فراش ومنوميج وخادمينه احسن خدمة بيت اهلج محد خادمج هيج .
سادساً : ملابسج أغسليهن بيدج يسندس شنو بيتج ماتغسلين ملابس لو كيفتي عالخدرة !
سابعاً : وخلي طلعتج وره صلاه الفجر مو نايمة للسبعة وتتمطلين عالفراش لان المعزب يجوز موضف لو كاسب يعني يطلع من الصبح لاتقيدون العالم يعني بين قوسين ( لا تتعب المعزب ).
ثامناً : العالم مخليتلج مكان أسمة ( موكب او چادر للنساء ) تاكلين بي مو كاعده بالشارع وتبصبصين عالرايح والجاي وتاكلين جنج كاعده بمطعم كانساس ودارعة حلكج مترين !
تاسعا : امهات العربانة اوووف على كيفج من تمشين تره مو مسابقة 100 متر وتردين تحصلين على جائزة ارحمي اليمشي كدامج مو تضربينة برجلة ومن يكلج على كيفج تمدين لسانج عشر امتار خطية هو بحيلة مايكدر يمشي وانتي عبالك تردين توصلين لكربلا بنفس اليوم .
وبعد اكو عيوب مااتذكرهن للبنات لا تعد ولاتحصى بأيام المشاية بس ذاكرتي ماتساعدني
تره ذني كلهن مال ونسه مومال مصاب ورايح تعزي لأن ما نعرف بيش نجازي المعازيب يبذلون الغالي والنفيس حتى يرضونه .
اللهم أحشرهم مع الحسين بحق الحسين
واجعلنا من مشاية اربعينية الامام الحسين في هذا العام وفي كل عام بحق عليل كربلاء
#للعلم هذا مو انتقاد بس نصيحة وما اخص الكل
لأن كل منا يعرف نفسه !
#نسأل الله الهداية والثبات للجميع في طريق الحق وولاية آل بيت محمد صل الله عليه واله وسلم
BY قمر الحسين ام محمد الهاشميه
Share with your friend now:
tgoop.com/kmrrr/9844