tgoop.com/kmrrr/8053
Last Update:
قناة قمر الحسين ...ام محمد الهاشميه
لطميه للدفنه ج١١
ظل مطروح محد غسله وشاله
احاه يا خوي ياابن امي عليه داسته الخياله
***
مطروح ويجر ونه على ونه
مجتوفه اخذوني ماخلوني اودعنه
وين الى كفلني اليوم خيرجع محاملنه
هيبه انا جنت ياناس بعد شالو العياله
**
يا سليب ياغريب يامظلوم ه.احسين
من عكبك ياخوى انطى الوجه وين
مجتوفه رحت للشام واطبن دواوين
ظحايا مجندله عالكاع ابن امي ورجاله
****
يادفان بلا ارجوك بخ اكبورهم ماي
تعالي يا ام حسن يمه وشوفي هاى بلوي
شوفي حسين جثه اليوم هذا امدد حذاي
لامن غسل لاتجفين وادوسه الخياله
***
بعد الذبح والتسليب كطعو خنصره من ايده
يون ابن امي اه ياحيف والونه شديده
وين الي كفلني اليوم خل يرجعنى اريده
راح الي يباريني وجنت مدلله بجاله
***
تمنت لاجل يمه ياخذني وياهم
اخواتي حنان يا هالناس ماتنمل حجاياهم
رحت للشام مسبيه وين انصب اعزاهم
محنى الولي هاليوم وصاني بعياله..ام محمد الهاشميه لايجوز حذف لاسم ذمه رجاءhttps://www.tgoop.com/joinchat-AAAAAEHY9hoqdfkVRv78tg
BY قمر الحسين ام محمد الهاشميه
Share with your friend now:
tgoop.com/kmrrr/8053