tgoop.com/kmr_11g/28151
Last Update:
كلام بخصوص العلاقات المحرمة
يعني حيل اتأذه من اشوف بنت مطعون بحيائها وكرامتها وقدسيتها واتأذه من اشوف ولد عنده اعراض العالم لعبة وثنينهم مامسؤولين الى داخلين بعلاقة محرمة
انطيكمياها من الاخير
لو تدورون بمشارق الارض ومغاربها متلكون حديث او فتوى تحلل العلاقة المحرمة حتى الفطرة الاسلامية ترفض هذا الشي لو تسأل ولد تكله عادي ادخل بعلاقة محرمة ويه اختك؟ مايضل عقل براسه
ليش.؟
لان الله فطر بينه فطرة الاسلام الصحيحة والفطرة ترفض هذا الشي
كذلك البنت دكللها زوجج يخونج او يحب بنيه غيرج تتخبل اول شي الفطرة السليمة ترفض هذا الشي والدين يرفض هذا الشي
وخلوها في بالكم الولد الي يلعب بأعراض الناس فراح توكع الغرامة براس اهله بيوم من الايام
ولو تسألون الرجال
سواء الي داخل بعلاقة محرمة او الي مداخل
يكلوله هاي البنيه داخله بعلاقة محرمة سابقا او هسه تتزوجها؟؟
حيكلك لا
ليش؟ لان يشوف البنت مطعون بيها الاسلام قدس البنت تقديس ماكو مثله بحيث مايسمح بتصرف يمس من قدسيتها وخلاها بعيده عن انضار الناس
ومايقبل تخالط احد ولا تسولف وياه بسوالف تهتك من قدسيتها
وتلكه البنت تسمح برجل غريب ان يهتك قدسيتها وحيائها وكرامتها
بحجة شنو؟
احبه؟
لو تطلع عذر تافه
والله كاعد ندرس لو دنسوي هيج شي
اخواتي انتن مقدسات احفظن قدسيتجن
والولد مثل ماترفض احد يهتك قدسية اهلك
لاتتقرب لقدسية الناس لان الدنيا تدور والحق مايضيع
وللعلم اذا مصرين على ذنب
وردت رواية عن الامام الصادق يكول لايقبل منه عمل مادامه مستمر على المعصية
BY خربشات ابن السماء
Share with your friend now:
tgoop.com/kmr_11g/28151