tgoop.com/kmr_11g/27988
Last Update:
يااختي العباءة مو فقط رداء
لاتخلون اعداء الدين وجهلة القوم ينالوا منها
تكلولي شلون.؟
من تمشين لاترفعين عبايتج علمود متتوسخ او لعذر ثاني ويطلعن اقدامج ويجوز مامستورات وتوكعين بمحذور شرعي وتخلين الجهلة واعداء الدين ينالون من العباءة ويقللون من شأنها
-الحجاب لاتخليه الوان واضحه او تختلف عن العباية ويلفت النضر وتخلين عين الوادم توكع عليج وتوكعين بمحذور شرعي
- من تلبسين العباءة التزمي واستري كامل نفسج
انتبهي على شعرج ليطلع اذا لابسة بنطرون لاتفتحين عبائتج تمسكي بيها
معصم ايدج لايطلع اختي لاتخلين زينة ويه العباءة
ترا تأذين المؤمنين والنبي والائمة وابو صالح
ابو صالح يشوفكم وتنعرض اعمالكم عليه
تخيلوا الامام تنعرض اعمالكم عليه ويعرف انو فلانه بنت فلان الشيعية الرافضيه الزينبيه سوت كذا ذنب!!!
يتأذه قلب ابونا وحبيبنا وشفيعنا وامامنا
الى هو رحمة الله الواسعة وباب نجاتنا كهفنا الحصين وغياث المضطر المستكين ابو صالح
وهم ياريت من تشوفون بنية لابسة عباية ولكن تعصي ربها بمورد او حاطه مكياج وكذا
انصحوها بموعظة حسنة وبهدوء وبأسلوب ترغيبي وترهيبي
واذا استمرت على عصيانها
لاتكولون شوفوا ام العبايه هيج وهيج
كولوا هاي البنية لابسة عبايه ومامحترمه العباية
لاتخلون الناس تاخذ نضرة عن ام العبايه
والى يحجي على البنات الى يلبسن عبايه كدام الناس ردوه ولاتسمحوله
هاي ترا مكايد لابليس لاتسمحون للمجتمع يشوه سمعة ام العباية
حاربوا هلشي انتوا زينيبات انتوا انصار الامام القائم لاتتخاذلون ابدااا صيروا اقوياء
صلحوا نفسكم وصلحوا الناس وهاي النضرة ولاتخلون المجتمع يدس السم بالعسل بكلمات شيطانية
والله المامتحجبة شريفة احسن من الى تلبس عباية او محجبة وتطلع مو شريفة
اذا هلفكرة وصلتلكم اقطعوا عليها الطريق وجاهدوا لقتل هاي الفكرة في ذهن المتكلم والمستمع هاي من مكائد ابليس احذروها
BY خربشات ابن السماء
Share with your friend now:
tgoop.com/kmr_11g/27988