tgoop.com/kmr_11g/27950
Last Update:
اكو موضوع شويه مهم اريد اتكلم بيه واتمنى تعتبروها نصيحة من خادمكم الصغير
الكلام موجه للاخوات
اخواتي الفاطميات صور حساباتكم لاتخلوها درب للشيطان يتسلل لقلوبكم وقلوب الرجال
اذا مافهمتوا كلامي
اوضحلكم اكثر
صور حساباتكم من تحطون صوركم وحتى لو كنتوا محتشمين بيها نجي من جانب فقهي
هو يجوز البنت تخلي صورتها اذا كانت محتشمة ولكن اذا كانت بيها مسحه جمال بوجها لايجوز لان يوكع الاجنبي بالحرام
اخواتي الموقرات احنه بامتحان صعب وصاحب الزمان كاعد يشاهدنه واعمالنه تعرض عليه
شنو يكول اذا سمع فلانه حاطه صورتها بالحساب او حاطه صورة وشخص وقع بالحرام من شاف هلصورة.؟
اخواتي السيدة فاطمة تكول خير للمرأة ان لايراها الرجل ولاتراه
ليش شنو سبب هلحديث.؟
لان نضره الرجل تكون مدججه بالشهوات هاي الله خالق الرجل هيج لذلك امر الرجل ان يغض بصره
والمرأة تستر نفسها
نرجع لموضوعنه
ماتسوه تخلين صورتج بالحساب وتخلين نفسج محط انظار الاجانب ويجوز شخص يقع بالحرام من يشوف صورتج ابد متسوه وماتليق بامرأة مهدوية زينبية
نحجيها بوضوح علمود تستوعبون سبب كلامي
الله خله بالمرأة الجمال والمغريات
وخله بالرجل الشهوة
امر الرجل بشكل اساسي ان يغض بصره
وامر المرأة ان تستر نفسها من كل الجوانب
وكذلك امر الرجل بستر نفسه
والمرأة بغض بصرها ولكن مو نفس التأكيد على ستر المرأة وغض بصر الرجل
فأختي اكيد فهمتي قصدي وفهمتي المعادلة الموزونه الى وضعها الله بين الجنسين
يعني الرجل ينضر للمرأة بشهوة من يشوف صورتج بالحساب حيضل ينضرلج بشهوة قد تكون اعجاب او حاجات اخرى محرمة
ويجي بذهنه انوا هلبنت بيها مجال اسولف وياها لان حاطه صورتها ويدخل ويراسل
هذا كله يدور باذهان الرجل
اما اذا يشوف اسم حساب محترم وصورة محترمة قد تكون لصاحب الزمان او صورة ماتخلي الرجل الاجنبي يقع بالحرام او تخليج محط انظار للاجانب مراح يفكر بيج تفكير موزين ولا راح يوقع بالحرام واصلا يجوز ميراسل ولا يتقرب لان يشوفج متدينة واكيد راح ترفضين التكلم وياه
وبالاخير اكول صاحب الزمان يريد يشوفجن مقتديات بالسيدة الزهراء بكل تفاصيل الحياة حيفرح من يشوفجن تغيرن من نفسجن لاجله ولاجل الدين والعقيدة
فياريت تغيرون صوركم وتخلوها صور لصاحب الزمان او لاهل البيت او صور المهم متكون الكم ولا توقع الرجل الاجنبي بالحرام او تسووله طريق يدفعه للتواصل وياكم
ديربالكم على قلب صاحب الزمان .
ديربالكم على صاحب الزمان .
BY خربشات ابن السماء
Share with your friend now:
tgoop.com/kmr_11g/27950